ଝାରସୁଗୁଡା(ଏଟିଆର ବ୍ୟୁରୋ): ଗତକାଲି ଠାରୁ ଆରମ୍ଭ ହେବାକୁ ଥିବା ଝାରସୁଗୁଡାରୁ ବାରାଣସୀ ବିମାନ ସେବା ବିଳମ୍ବିତ ହେବ । ଉଡାନ୍ ୩ ଯୋଜନାରେ ଆସନ୍ତା କାଲିଠାରୁ ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ବାରାଣସୀକୁ ବିମାନ ସେବା ଆରମ୍ଭ ହେବାକୁ ଥିଲା । ଏନେଇ ପୂର୍ବରୁ ବିମାନବନ୍ଦର କର୍ତ୍ତୃପକ୍ଷ ସୂଚନା ଦେଇଥିଲେ ।
ତେବେ କିଛି ପ୍ରଶାସନିକ ମଞ୍ଜୁରୀ ମିଳିବାରେ ବିଳମ୍ବ ହେଉଥିବାରୁ ଆସନ୍ତାକାଲିଠୁ ଆରମ୍ଭ ହେବାକୁ ଥିବା ବିମାନ ସେବାରେ ବିଳମ୍ବ ହେବ ବୋଲି ବିମାନ ବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି । କିଛି ଦିନ ତଳେ ଆଲିଆନ୍ସ ଏୟାର ପକ୍ଷରୁ ଝାରସୁଗୁଡାରୁ ବାରାଣସୀ ଓ କୋଲକାତାକୁ ବିମାନ ଚଳାଚଳ କରିବ ବୋଲି ଘୋଷଣା ହୋଇଥିଲା ।
ତେବେ ପୂର୍ବରୁ କୋଲକାତାକୁ ବିମାନ ଚଳାଚଳ ଆରମ୍ଭ ହୋଇଯାଇଛି । ସେହିପରି ଆସନ୍ତାକାଲି ଠାରୁ ବାରାଣସୀକୁ ବିମାନ ଚଳାଚଳ ହେବ ବୋଲି ଘୋଷଣା ହେବା ପାରେ ଯାତ୍ରୀ ମାନେ ଟିକେଟ କାଟି ଦେଇଛନ୍ତି । ହେଲେ ବିମାନ ସେବା ଆରମ୍ଭ ହେବାକୁ ବିଳମ୍ବ ହେବ ବୋଲି ଶୁଣି ଯାତ୍ରୀ ମାନେ ନିରାଶ ହୋଇଛନ୍ତି । ତେବେ ଝାରସୁଗୁଡା ବିମାନବନ୍ଦରରୁ ଯଥାଶୀଘ୍ର ବିମାନ ସେବା ବାରାଣସୀକୁ ଆରମ୍ଭ କରିବା ପାଇଁ ପ୍ରୟାସ କରାଯାଉଛି ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି ।
