ଭୁବନେଶ୍ୱର ( ଏଟିଆର ବ୍ୟୁରୋ): ଚଳିତ ନିର୍ବାନକୁ ଦୁର୍ନିତି ମୁକ୍ତ କରିବାକୁ ନିର୍ବାଚନ କମିଶନ ଗଠନ କରିଛନ୍ତି ଫ୍ଲାଇ ସ୍କ୍ୱାଡ । ଗତ କାଲି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ହେଲିକପ୍ଟରକୁ ଯାଞ୍ଚ କରିଛନ୍ତି ନିର୍ବାଚନ ଫ୍ଲାଇଂ ସ୍କ୍ୱାଡ । ଯାହାର ଭିଡିଓ ଆଜି ଭାଇରାଲ ହୋଇଛି । ଗତକାଲି ମୁଖ୍ୟମନ୍ତ୍ରୀ ରାଉରକେଲା ୂଗସ୍ତ କରିବା ବେଳେ ସ୍କ୍ୱାଡ ଯାଞ୍ଚ କରିଛି । ମୁଖ୍ୟମନ୍ତ୍ରୀ ରାଉରକେଲାରେ ପହଞ୍ଚିବା ପରେ ମୁଖ୍ୟମନ୍ତ୍ରୀଙ୍କ ହେଲିକପ୍ଟର ଯାଞ୍ଚ କରାଯାଇଥିଲା । ଯାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଯାଞ୍ଚ କରାଯାଇଥିଲା ।
ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ସହଯୋଗ କରିଥିବା ଦେଖାଯାଇଥିଲା । ସ୍କ୍ୱାଡ ମୁଖ୍ୟମନ୍ତ୍ରୀଙ୍କ ଆଇସ ବାକ୍ସ, ଆଟାଚି ଯାଞ୍ଚ କରିଥିଲେ । ଯାଞ୍ଚବେଳେ ମୁଖ୍ୟମନ୍ତ୍ରୀଙ୍କ ସହିତ ମୁଖ୍ୟମନ୍ତ୍ରୀଙ୍କ ସୁରକ୍ଷା କର୍ମୀ ମଧ୍ୟ ଫ୍ଲାଇ ସ୍କ୍ୱାଡ୍ କୁ ସମ୍ପୂର୍ଣ୍ଣ ସହଯୋଗ କରିଥିଲେ । ଯାଞ୍ଚ ବେଳେ ନବୀନ ନିଜେ ହେଲିକପ୍ଟରରେ ବସି ରହିଥିବା ଦେଖିବାକୁ ମିଳିଥିଲା । ଯାଞ୍ଚକାରୀ ମାନେ ମୁଖ୍ୟମନ୍ତ୍ରୀଙ୍କ ହେଲିକପ୍ଟରକୁ ତନତନ କରି ଦେଖୁଥିବା ଦେଖିବାକୁ ମିଳିଥିଲା । ଫ୍ଲାଇ ସ୍କ୍ୱାଡର ସମ୍ପୂର୍ଣ୍ଣ ତନଖି ପରେ ମୁଖ୍ୟମନ୍ତ୍ରୀ ରାଉରକେଲାରେ ହେବାକୁ ଥିବା ନିର୍ବାଚନୀ ପ୍ରଚାରରେ ରେ ଯୋଗ ଦେଇଥିଲେ ।
