ଭୁବନେଶ୍ୱର(ଏଟିଆର ବ୍ୟୁରୋ):ଆଜି ରାଜଧାନୀ ଭୁବନେଶ୍ୱର ଓ କଟକରେ ଘନ କୁହୁଡି ଦେଖିବାକୁ ମିଳିଛି । ଅଳ୍ପ ଦୂରତା ମଧ୍ୟରେ କିଛି ଦୃଶ୍ୟମାନ ହେଉନଥିବା ବେଳେ ରାସ୍ତାରେ ଗାଡି ଚଳାଚଳରେ ଅନେକ ଅସୁବିଧା ପରିଲକ୍ଷିତ ହୋଇଛି ।
ସେହିପରି ଗଞ୍ଜାମ , କେନ୍ଦ୍ରାପଡା , ଭଦ୍ରକ , ପୁରୀ , ଜଗତସଂହିପୁର ଜିଲ୍ଲାରେ ଘନ କୁହୁଡି ଦେଖିବାକୁ ମିଳିଛି । ଏନେଇ ପାଣିପାଗ ବିଭାଗ ପକ୍ଷରୁ ସତର୍କ କରିବା ସହ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
କିଛି ଦିନ ପୂର୍ବରୁ ଜାତୀୟ ରାଜପଥ ତାମ୍ପରା ନିକଟରେ ଏକ ଗ୍ୟାସ ବୋଝେଇ ଟ୍ୟାଙ୍କର ଘନ କୁହୁଡି କାରଣରୁ ଭାରସାମ୍ୟ ହରାଇ ଦୁର୍ଘଟଣାର ଶିକାର ହୋଇଥିଲା । ଏନେଇ ସୁରକ୍ଷାକୁ ଦୃଷ୍ଟିରେ ରଖି ଜାତୀୟ ରାଜପଥ ଦୁଇ ପାଶ୍ୱର୍କୁ ସିଲ୍ ମଧ୍ୟ କରାଯାଇଥିଲା । ଯାହାଫଳରେ ରାସ୍ତାରେ ଶହ ଶହ ଯାନବାହାନ ଅଟକି ରହିଥିଲା ।
