ଭୁବନେଶ୍ୱର(ଏଟିଆର ବ୍ୟୁରୋ):ଓଡିଶାର ବିଶିଷ୍ଠ ସାମ୍ବାଦିକ , ଲେଖକ ତଥା ପରିବେଶ କର୍ମୀ ଅଭୟ ସିଂହଙ୍କ ଦେହାନ୍ତ ଘଟିଛି । କିଛି ଦିନ ଧରି ଅସୁସ୍ଥ ଥିବା ଅଭୟ ସିଂହଙ୍କ ଭୁବନେଶ୍ବରର ଆନନ୍ଦାଶ୍ରମ ଜରାନିବାସରେ ପରଲୋକ ହୋଇଛି।
ଅଭୟଙ୍କ ସମ୍ପାଦନରେ ଚନ୍ଦାମାମା ପ୍ରକାଶନୀ ପକ୍ଷରୁ ପ୍ରକାଶିତ ହେଉଥିବା ମାନସିକ ସାଂସ୍କୃତିକ ପତ୍ରିକା ‘ସଚ୍ଚିତ୍ର ବିଜୟା’ ଖୁବ୍ ଲୋକପ୍ରିୟ ଥିଲା।ସେ ଥିଲେ ଏହାର ପ୍ରତିଷ୍ଠାତା ସଂପାଦକ । ସେ ଜଣେ ପ୍ରତିଷ୍ଠିତ ଲେଖକ ଏବଂ ପରିବେଶବିତ ଭାବେ ରାଜ୍ୟର ସାରସ୍ୱତ ମହଲରେ ବେଶ ପରିଚିତ ଥିଲେ ।
ଏହାଛଡ଼ା, ସେ ‘ପ୍ରଭା’ ନାମରେ ଅନ୍ୟ ଏକ ପତ୍ରିକାର ମଧ୍ୟ ପ୍ରତିଷ୍ଠାତା ସମ୍ପାଦକ ଥିଲେ। ସେ ‘ଜୀବନ’ ନାମକ ଏକ ସଙ୍ଗଠନ ପ୍ରତିଷ୍ଠା କରି ପରିବେଶ ସୁରକ୍ଷା ଦିଗରେ ମଧ୍ୟ କାର୍ୟ୍ୟ କରିଥିଲେ। ଦୀର୍ଘ ଦିନର ଅସୁସ୍ଥତା ପରେ ଭୁବନେଶ୍ୱରରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ତାଙ୍କ ବିୟୋଗରେ ରାଜ୍ୟର ସାରସ୍ବତ ମହଲରେ ଶୋକର ଛାୟା ଖେଳିଯାଇଛି।
