ଜଗତସିଂହପୁର (ଏଟିଆର ବ୍ୟୁରୋ): ପାରିବାରିକ କଳହକୁ ନେଇ ଅଗ୍ନିକାଣ୍ଡ । ପୁଣି ସେହି ଅଗ୍ନିକାଣ୍ଡରେ ଜିଅଁନ୍ତା ଜଳିଗଲା ଚାରୋଟି ଜୀବନ । ଏଭଳି ଏକ ଅଭାବନୀୟ ଘଟଣା ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅନ୍ତର୍ଗତ ଗନାପାଟ ଗାଁରେ ଘଟିଛି ।
ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଁଚି ନିଆଁକୁୁ ଆୟତ କରିଥିଲେ । ସେତବେଳକୁ ଘରର ଚାରି ଜଣ ବ୍ୟକ୍ତିଙ୍କର ଶରୀରର ଅଧିକାଂଶ ଅଂଶ ପୋଡି ଯାଇଥିଲା । ସେଠାରୁ ତାଙ୍କୁ ଉଦ୍ଧାର କରାଯାଇ କଟକ ବଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକମାନେ ହେଲେ ଶାଶୁ , ଶ୍ୱଶୁର, ଝିଅ ଏବଂ ଜ୍ୱାଇଁ ବୋଲି ଜାଣିବାକୁ ମିଳିଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
