ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତାକାଲି ହେଉଛି ଅନ୍ତର୍ଜାତୀୟ ମହିଳା ଦିବସ । ଏହି ଅବସରରେ ମହିଳାମାନଙ୍କ ପାଇଁ ମୋ ବସ ପକ୍ଷରୁ ଆସନ୍ତାକାଲି ମହିଳା ଯାତ୍ରୀଙ୍କ ପାଇଁ ରହିବ ମାଗଣା ବସ ଯାତ୍ରାର ସୁବିଧା । ଆସନ୍ତାକାଲି ମାଗଣାରେ ମହିଳା ଯାତ୍ରୀମାନେ ମୋ ବସରେ ଯାତ୍ରା କରିପାରିବେ । ଏନଇ ମୋ ବସ ପରିଚାଳନା ଦାୟିତ୍ୱରେ ଥିବା କ୍ୟାପିଟାଲ ରିଜିଅନ ଅର୍ବାନ ଟ୍ରାନ୍ସପୋଟଁର ଜେନେରାଲ ମ୍ୟାନେଜର ଦିପ୍ତୀ ମହାପାତ୍ର ସୂଚନା ଦେଇଛନ୍ତି ।
ମ୍ୟାନେଜର ଦିପ୍ତୀ ମହାପାତ୍ର ସୂଚନା ଦେଇ କହିଛନ୍ତି, ଆସନ୍ତାକାଲି ଅନ୍ତର୍ଜାତୀୟ ମହିଳା ଦିବସରେ ଯାତ୍ର କରୁଥିବା ମହିଳା ଯାତ୍ରୀଙ୍କୁ କୌଣସି ବି ଟଙ୍କା ଦେବାକୁ ପଡିବନାହିଁ । ତେବେ ଭୁବନେଶ୍ୱର, କଟକ ଓ ଖୋର୍ଦ୍ଧାର ୨୧ରୁଟରେ ୨୦୦ଟି ମୋ ବସରେ ଚାଲୁଛି । ଯେଉଁଥିରେ ୬୦ ପ୍ରତିଶତ କଣ୍ଡକ୍ଟର ମହିଳା ଅଟନ୍ତି । ମୋ ବସ ପକ୍ଷରୁ ଆସିଥିବା ଏହି ଖୁସି ଖବର ଫଳରେ ମହିଳା ମାନଙ୍କ ମଧ୍ୟରେ ଖୁସି ଦେଖିବାକୁ ମିଳିବା ସହ ଏହାକୁ ସଭିଁଏ ସ୍ୱାଗତ କରିଛନ୍ତି ।
