ପୁରୀ (ଏଟିଆର ବ୍ୟୁରୋ) : ଗତକାଲି ଶ୍ରୀଜିଉଙ୍କୁ ଦର୍ଶନ କରିଛନ୍ତି ଗଜପତି ମହାରାଜା ଦିବ୍ୟସିଂହ ଦେବଙ୍କ ପରିବାର ବର୍ଗ । ମହାରାଜା ତାଙ୍କ ଝିଅ, ଜ୍ୱାଇଁ, ନାତୁଣୀ, ସମୁଦି ଓ ସମୁଦୁଣୀ ସହ ଶ୍ରୀମନ୍ଦିର ଭିତରକୁ ଦକ୍ଷିଣ ଦ୍ୱାର ଦେଇ ପ୍ରବେଶ କରିବା ସହ ମହାପ୍ରଭୁଙ୍କୁ ଦର୍ଶନ କରିଛନ୍ତି । ପରମ୍ପରା ଅନୁସାରେ ଶ୍ରୀମନ୍ଦିରରେ ମହାରାଜା ଛେରା ପହାରା କରିବା ସମୟରେ ସିଂହଦ୍ୱାର ଦେଇ ପ୍ରବେଶ କରୁଥିବା ବେଳେ ଅନ୍ୟ ସମୟରେ ସେ ଦକ୍ଷିଣ ଦ୍ୱାର ଦେଇ ମନ୍ଦିର ଭିତରକୁ ପ୍ରବେଶ କରିନ୍ତି ।
ଏବଂ ଫେରିବା ସମୟରେ ମଧ୍ୟ ସେ ସେହି ଦକ୍ଷିଣ ଦ୍ୱାର ଦେଇ ଫେରିଥାନ୍ତି । ତେବେ ଗତକାଲି ମନ୍ଦିର ଭିତରକୁ ଦକ୍ଷିଣ ଦ୍ୱାର ଦେଇ ପ୍ରବେଶ କରିବା ସହ ପ୍ରଥମେ ସେମାନେ ବଟ ଗଣେଶଙ୍କୁ ଦର୍ଶନ କରିଥିଲେ । ପରେ ଶ୍ରୀଜଗନ୍ନାଥ, ବଡଠାକୁର ବଳଭଦ୍ର ଏବଂ ମା ସୁଭଦ୍ରାଙ୍କୁ ଦର୍ଶନ କରିଥିଲେ ।
