ରାଉରକେଲା ( ଏଟିଆର ବ୍ୟୁରୋ) : ରାଉରକେଲାରେ ଲଜ୍ଜା । ନାବାଳିକାଙ୍କୁ ୫ ଜଣ ଦୁଷ୍କର୍ମ! ଟ୍ରେନରେ ବାସାଇବାକୁ ନଉଥିଲେ ଅଧା ରାସ୍ତାରେ ପାଲଟିଲେ ରାକ୍ଷସ । ୫ ଜଣଙ୍କ ମଧ୍ୟରୁ ଜଣେ ନାବାଳକ । ଏମିତି ଏକ ଲଜ୍ଜାଜନକ ଅଭିଯୋଗ ଆସିଛି ରାଉରକେଲା ବ୍ରାହ୍ମଣୀ ତରଙ୍ଗ ଥାନା ଅଞ୍ଚଳରୁ । ରବିବାର ରାତିରେ ଏମିତି ହୋଇଥିବା ଅଭିଯୋଗ ହୋଇଛି । ସୂଚନା ଅନୁସାରେ ରାଉରକେଲାରୁ ଦିଲ୍ଲୀ ଟ୍ରେନରେ ନାବାଳିକା ଝିଅକୁ ବସାଇ ଦେବା ପାଇଁ ନାବାଳିକାଙ୍କ ମା ତାଙ୍କର ଜଣେ ସମ୍ପର୍କୀୟଙ୍କୁ କହିଥିଲେ ।
ରାତିରେ ଯୁବକ ଜଣଙ୍କ ନାବାଳିକାକୁ ଟ୍ରେନରେ ବସାଇ ଦେବାକୁ ଛାଡିବାକୁ ଯାଇଥିଲେ । ହେଲେ ସମ୍ପର୍କୀୟ ଜଣଙ୍କ ନାବାଳିକାଙ୍କୁ ଷ୍ଟେସନକୁ ନବା ପରିବର୍ତ୍ତେ ନଇ କୂଳର ଏକ ପରିତ୍ୟକ୍ତ ଘରକୁ ନେଇ ଯାଇଥିଲେ। ସେହି ପରିତ୍ୟକ୍ତ ଘରେ ଜଣକ ପରେ ଜଣେ ୫ ଜଣ ନାବାଳିକାଙ୍କୁ ଦୁର୍ଷ୍କମ କରିଥିବା ପୀଡିତା ଅଭିଯୋଗ କରିଛନ୍ତି ।
ତେବେ ଏହି ୫ ଜଣଙ୍କ ମଧ୍ୟରେ ଜଣେ ନାବାଳକ ଥିବା ଜଣା ପଡିଛି । ପୋଲିସ ଏହି ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ନାବାଳକକୁ ପୋଲିସ ହେପାଜତରେ ରଖାଯାଇଛି । ଗତ କାଲି ସମସ୍ତଙ୍କ ଡ଼।କ୍ତରୀ ମାଇନା କରାଯାଇଛି । ନାବାଳକକୁ ବାଳ ସ୍ବାଧର ଗୃହକୁ ପଠାଯିବ ବୋଲି ଜଣା ପଡିଛି । ସୂଚନାଯୋଗ୍ୟ ଗତକାଲି ସୁନ୍ଦରଗଡ ଜିଲ୍ଲା କିଞ୍ଜିରକେଲା ଥାନା ପୁଟୁଡିହି ଜଙ୍ଗଲରେ କଲେଜ ଛାଡିଦେବା ବାହାନାରେ ଯୁକ୍ତ ୩ କଲେଜ ଛାତ୍ରୀଙ୍କୁ ଦୁଷ୍କର୍ମ କରିଥିବା ଖବର ସାମ୍ନାକୁ ଆସିଥିଲା।
