ଭୁବନେଶ୍ୱର(ଏଟିଆର ବ୍ୟୁରୋ):ପୁଣି ବଢିଲା ପିଆଜ ଦର । ପିଆଜର ଦର କିଲୋପ୍ରତି ୬୦ ଟଙ୍କାକୁ ବୃଦ୍ଧି ପାଇଛି । ଯାହାକୁ ନେଇ ଖାଉଟିଙ୍କ ମନରେ ଅସନ୍ତୋଷ ଦେଖାଦେଇଛି । ସେହିପରି କଟକ ଓ ଭୁବନେଶ୍ୱରରେ ପିଆଜର ମୂଲ୍ୟ କିଲୋପ୍ରତି ୬୦ ଟଙ୍କା ରହିଥିବା ବେଳେ ଗ୍ରାମାଞ୍ଚଳରେ କିଲୋପ୍ରତି ୬୨ ରୁ ୬୫ ଟଙ୍କାରେ ବିକ୍ରି କରୁଛନ୍ତି ।
ଗତବର୍ଷ ଫେବ୍ରୁଆରୀ ୨୦୨୦ ରେ ପିଆଜର କିଲୋପ୍ରତି ମୁଲ୍ୟ ୨୫ ରୁ ୩୦ ଟଙ୍କା ମଧ୍ୟରେ ରହିଥିଲା । କଟକ ଓ ମାଲଗୋଦାମର ବିକେତ୍ରା ପିଆଜର ମୁଲ୍ୟ ହଠାତ ବୃଦ୍ଧି ପାଇଛି ବୋଲି କହିଛନ୍ତି । ମହାରାଷ୍ଟ୍ରର ନାସିକ ଅଞ୍ଚଳରେ ଲଗାତାର ବର୍ଷା ପିଆଜ ଦର ବୃଦ୍ଧିର ମୁଖ୍ୟ କାରଣ ପାଲଟିଛି ।
