ବୌଦ୍ଧ (ଏଟିଆର ବ୍ୟୁରୋ): ଅଗ୍ନିକାଣ୍ଡରେ ଜଳିଗଲା ୬ବଖରା ଘର । ଜଳି ଗଲା ଲକ୍ଷାଧିକ ଟଙ୍କାର ସମ୍ପତ୍ତି । ଏହିଭଳି ଅଭାବନୀୟ ବୌଦ୍ଧ ଜିଲ୍ଲାର ପୁରୁଣା କଟକ ପଞ୍ଚାୟତ ସାମ୍ମା ସାହି ଘଟଣା ଘଟିଛି । ଏହି ସାହିରେ ବାସ କରୁଥିବା ଲକ୍ଷ୍ମୀଧର ସାହୁଙ୍କ ଘରେ ନିଆଁ ଲାଗିଯାଇ ୬ ବଖରା ଘର ଜଳିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ସୂଚନାନୁଯାୟୀ ଗତକାଲି ବିଳମ୍ବିତ ରାତିରେ ଲକ୍ଷ୍ମୀଧରଙ୍କ ଘରେ ହଠାତ ନିଆଁ ଲାଗି ଯାଇଥିଲା ।
ଏହା ଦେଖି ଘର ଭିତରେ ଥିବା ସମସ୍ତ ଲୋକ ବାହାରକୁ ଚାଲି ଆସିଥିଲେ ମଧ୍ୟ ଘର ଭିତରେ ଥିବା ପ୍ରାୟ ୧୫ଲକ୍ଷରୁ ଉର୍ଦ୍ଧ ସମ୍ପତ୍ତି ଜଳି ପୋଡି ପାଉଁଶ ହୋଇଯାଇଥିଲା । ନିଆଁ ଲାଗିଥିବାର ସୂଚନା ପାଇଁ ଅଗ୍ନିଶମ ବିଭାଗର କର୍ମଚାରୀମାନେ ଘଟଣା ସ୍ଥଳରେ ପହଞ୍ଚିବା ସହ ନିଆଁକୁ ନିଜ ଆୟତକୁ ଆଣିଥିଲେ । ତେବେ ଅଗ୍ନିକାଣ୍ଡଟି କେଉଁ କାରଣରୁ ଲାଗିଲା ତାହାର କାରଣ ଅସ୍ପଷ୍ଟ ଥିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ସମସ୍ତ ଘଟଣାର ଅନୁସନ୍ଧାର ଆରମ୍ଭ କରିଛି ।
