ଭୁବନେଶ୍ୱର (ଏଟିଆର ବ୍ୟୁରୋ): ଆଜି ଆଇଏଏସ ସ୍ତରରେ କିଛିଟା ଅଦଳବଦଳ କରାଯାଇଛି । କୃଷି ବିଭାଗର ସ୍ୱତନ୍ତ୍ର ସଚିବ ଭାବେ ସୁରେଶ ବଶିଷ୍ଠଙ୍କୁ ନିଯୁକ୍ତ କରାଯାଇଛି । ୧୯୯୮ ବ୍ୟାଚର ଏହି ଆଇଏଏସ ଅଫିସର କେନ୍ଦ୍ରୀୟ ଡେପୁଟେସନରୁ ଫେରିବା ପରେ ତାଙ୍କୁ ଏହି କୃଷି ଓ କୃଷକ କଲ୍ୟାଣ ବିଭାଗର ସ୍ୱତନ୍ତ୍ର ସଚିବ ଭାବେ ନିଯୁକ୍ତି କରାଯାଇଛି । ଏହି ପଦବୀରେ ବର୍ତ୍ତମାନ ପ୍ରମୋଦ କୁମାର ମେହେର୍ଦ୍ଦା ଅଛନ୍ତି ।
ତେବେ ସୁରେଶ ବଶିଷ୍ଠ ଯେଉଁ ଦିନ ସ୍ୱତନ୍ତ୍ର ସଚିବ ଭାବେ ଦାୟିତ୍ୱ ଗ୍ରହଣ କରିବେ ସେହିଦିନ ପ୍ରମୋଦ ମେହେର୍ଦ୍ଦା ଏହି ପଦବୀରୁ ଅବ୍ୟାହତି ନେବେ ।ସେହିପରି ସ୍ୱାସ୍ଥ୍ୟ ବିଭାଗର ଯୁଗ୍ମ ସଚିବ ଭାବେ କାର୍ଯ୍ୟରତ ୨୦୦୮ ବ୍ୟାଚର ଆଇଏଏସ ଅଫିସ ଗୁହା ପୁନମ ତାପସ କୁମାରଙ୍କୁ ପଞ୍ଚାୟତ ରାଜ ଓ ପାନୀୟ ଜଳ ଯୋଗାଣ ବିଭାଗର ଯୁଗ୍ମ ସଚିବ ତଥା ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଛି ।
