ଭୁବନେଶ୍ୱର(ଏଟିଆର ବ୍ୟୁରୋ); ସ୍ଥାନୀୟ କଳିଙ୍ଗ ଷ୍ଟାଡିୟମରେ ଚାଲିଥିବା ପୁରୁଷ ବିଶ୍ୱକପ ହକି ମହାକୁମ୍ଭରେ ଆଜି ଏକ ଗୁରୁତ୍ୱପୂର୍ଣ୍ଣ ମ୍ୟାଚ ଖେଳାଯିବ । ଲିଗ ମ୍ୟାଚ ଶେଷ ହେବା ପରେ ତୃତୀୟ କ୍ୱାଟରଫାଇନାଲ ମ୍ୟାଚ ଅନୁଷ୍ଠିତ ହେବ । ଏଥିରେ ଘରୋଇ ଭାରତ ନେଦରଲାଣ୍ଡକୁ ଭେଟିବ । ଏଣୁ ଆଜିର ମ୍ୟାଚ ଉପରେ ସମସ୍ତଙ୍କ ନଜର ରହିଛି । ଘରୋଇ ପରିବେଶ ଅନୁଷ୍ଠିତ ହେଉଥିବାରୁ ଭାରତ ଟାଇଟଲ ବଜାୟ ରଖିବ ବୋଲି ସମସ୍ତଙ୍କ ଆଶା ରହିଛି । ଲିଗ୍ ମ୍ୟାଚରେ ଦଳ ଭଲ ପ୍ରଦର୍ଶକ କରିଥିବା ବେଳେ ପୁଲ ସିରେ ଶିର୍ଷରେ ରହିଥିଲା । ସେପଟେ ପ୍ରତିପକ୍ଷ ନେଦରଲାଣ୍ଡ ମଧ୍ୟ ଏକ ଶକ୍ତିଶାଳି ଦଳ ଭାବରେ ଖେଳ ପ୍ରଦର୍ଶନ କରିଆସିଛି । ଶେଷ କ୍ରସଓଭର ମ୍ୟାଚରେ କାନାଡାକୁ ହରାଇ କ୍ୱାଟର ଫାଇନାଲ ପାଇଁ ନିଜର ସ୍ଥାନ ସୁରକ୍ଷିତ କରିଥିଲା ନେଦରଲାଣ୍ଡ ।
ଆଜିର ମ୍ୟାଚଟି ବହୁତ ରୋମାଞ୍ଚକ ହେବ ବୋଲି ଆଶା ରଖିଛନ୍ତି ଦର୍ଶକ । ଘରୋଇ ପରିବେଶରେ ଭାରତ ଖେଳୁଥିବାରୁ ଭାରତର ଶକ୍ତି ପ୍ରଦର୍ଶନ ଭଲ ରହିବ ବୋଲି ଆଶା କରାଯାଇଛି । ସେପଟେ ବିଶ୍ୱକପ ହକିରେ ତିନି ଥର ଚାମ୍ପିୟନ ହୋଇ ଟାଇଟଲ ବିଜେତା ହୋଇଛି ନେଦରଲାଣ୍ଡ । ଏଣୁ ଦୁଇ ଦଳ ବହୁତ ଶକ୍ତିଶାଳି ଏଣୁ ଅନୁଷ୍ଠିତ ହେବାକୁ ଥିବା ମ୍ୟାଚ ଦେଖିବା ପାଇଁ ଦର୍ଶକମାନଙ୍କ ମନରେ ଉତ୍ସାହ ଭରିରହିଥିବା ଦେଖିବାକୁ ମିଳିଛି ।
