ନବରଙ୍ଗପୁର ( ଏଟିଆର ବ୍ୟୁରୋ): ମୋବାଇଲ ହେଲା କାଳ, ଚାର୍ଜ ବସିଥିବା ବେଳେ ମୋବାଇଲ ଫାଟି ଯୁବକ ଆହତ ହୋଇଛନ୍ତି । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିିଛି ନବରଙ୍ଗପୁର ଜିଲ୍ଲା ଝରିଗାଁ ତାଲିଆ ପଞ୍ଚାୟତରେ । ଆହତ ହୋଇଥିବା ଯୁବକ ଜଣଙ୍କ ହେଲେ ଲଛମନ ଭୁଞ୍ଜିଆ । ସୂଚନା ଅନୁସାରେ ଗାଁରେ ଲାଇନ ନଥିବାରୁ ସେ ସୋଲାର ଚାର୍ଜରରେ ମୋବାଇଲ ଚାର୍ଜ ବସାଇଥିଲେ ।
ଚାର୍ଜ ନହେବାରୁ ସେ ପୁଣି ଥରେ ଚେଷ୍ଟା କରିଥିଲେ ଚାର୍ଜ କରିବା ପାଇଁ । ଠିକ ଏହି ସମୟରେ ହଠାତ ମୋବାଇଲ ଟି ଫାଟି ଯାଇଥିଲା । ଫଳରେ ଯୁବକ ଜଣଙ୍କର ହାତ ଓ ପେଟରେ ଅଧିକ କ୍ଷତ ହୋଇଛି । ହାତର ଆଙ୍ଗୁଠିର କିଛି ଅଂଶ ଅଧିକ ମାତ୍ରାରେ କ୍ଷତ ହୋଇଛି । ଜୋରରେ କିଛି ଫାଟିବାର ଶବ୍ଦ ଶୁଣି ପରିବାର ଲୋକେ ଲଛମଙ୍କୁ ଉଦ୍ଧାର କରି ଡାକ୍ତର ଖାନାରେ ଭର୍ତ୍ତି କରିଛନ୍ତି । ବର୍ତ୍ତମାନ ତାଙ୍କର ସ୍ୱାସ୍ଥ୍ୟବସ୍ଥା ଭଲ ଥିବାର ସୂଚନା ମିଳିଛି ।
