ଭୁବନେଶ୍ୱର ( ଏଟିଆର ବ୍ୟୁରୋ): ଚନ୍ଦ୍ରାୟନ ୨ ର ପ୍ରେରଣ ପରଠାରୁ ସବୁଠାରୁ ଅଧିକ ଚର୍ଚ୍ଚାରେ ଥିବା ଇସ୍ରୋ କେ ଶିବନ ଆଜି ଓଡିଶା ଆସିବେ । ଭୁବନେଶ୍ୱର ଆଇଆଇଟିର ୮ ତମ ସମାବର୍ତ୍ତନ ଉତ୍ସବରେ ଯୋଗ ଦେବେ କେ. ଶିବନ । ଜଟଣି ଅରକୂଳ ସ୍ଥିତ ଆଇଆଇଟି କମ୍ୟୁନିଟି ସେଣ୍ଟରରେ ସେ ଛାତ୍ରଛାତ୍ରୀଙ୍କୁ ଉଦବୋଧନ ଦେବେ । ଚନ୍ଦ୍ରାୟନ ୨ ଅଭିଯାନ ପରେ ଏହା କେ . ଶିବନଙ୍କ ପ୍ରଥମ ଓଡିଶା ଗସ୍ତ ।
ଏହି ସମାବର୍ତ୍ତନ ଉତ୍ସବରେ ୩୨ ଜଣଙ୍କୁ ପିଏଚ୍ଡି, ୬୭ଙ୍କୁ ଏମ୍ଏସ୍ସି ଏବଂ ୧୦୫ ଜଣଙ୍କୁ ଏମ୍ଟେକ୍ ଡିଗ୍ରୀ ପ୍ରଦାନ କରାଯିବ। ଆଜିର ଏହି କାର୍ଯ୍ୟକ୍ରମରେ କେ . ଶିବନଙ୍କ ଅଭିଭାଷଣ ଶୁଣିବାକୁ ଛାତ୍ରଛାତ୍ରୀ ମାନେ ଅପେକ୍ଷା କରି ରହିଛନ୍ତି । ସେ ଚନ୍ଦ୍ରାୟନ ୨ ର ଯାତ୍ରା ଓ ଲ୍ୟାଣ୍ଡର ବିକ୍ରମ ବିଷୟରେ କିଛି ଆଲୋଚନା କରିପାରନ୍ତି ।
