ଫୁଲବାଣୀ(ଏଟିଆର ବ୍ୟୁରୋ): କନ୍ଧମାଳ ଜିଲ୍ଳାର ଯୋଡାମୁଣ୍ଡ ଜଗା ଘରକୁ ଆସିଛି ଖୁସି ଖବର । ଜଗାକୁ ଏକୁଟିଆ କରି ଚାଲିଜାଇଥିଲା ବଳିଆ । ବଳିଆ ଆଖିବୁଜିଲା ପରେ ଜଗା ମୁହଁରୁ ଚାଲିଯାଇଥିଲା ହସ କିନ୍ତୁ ଏବେ ପୁଣି ଥରେ ହସ ଫୁଟିଛି ଜଗା ମୁହଁରେ । ଜଗାକୁ ମିଳିଛି ତାର କୁନି ଭଉଣୀ ସୁଭଦ୍ରା । ଫୁଲବାଣୀ ମୁଖ୍ୟ ଚିକିତ୍ସାଳୟରେ ଏକ କନ୍ୟା ସନ୍ତାନକୁ ଜନ୍ମ ହେଇଛନ୍ତି ଜଗାର ମା’ ।
ସୁଭଦ୍ରା ଆସିବା ପରେ ଜଗାର ଖୁସି ଏବେ କହିଲେ ନସରେ । କେତେବେଳେ ସେ ତା କୁନି ଭଉଣୀକୁ ନିଜ ହାତରେ ଧରିବା ପାଇଁ ଚେଷ୍ଟା କରୁଛି ତ ଆଉକେତେବେଳେ ତାକୁ ଗେଲ କରି ଦେଉଛି । ଆଗପରି ସେ ଆଉ ଗୁମ ମାରି ବସୁନି କି ବଳିଆକୁ ମନ ପକାଉ ନାହିଁ । ଭଉଣୀ ସୁଭଦ୍ରାକୁ ପାଇ ଟିକେ ହେଲେ ଛାଡିକି ଯାଉନାହିଁ ଜଗା । ଅନ୍ୟପଟେ ଜଗାର ଏଭଳି ପରିବର୍ତ୍ତନ ଦେଖି ସମସ୍ତେ ବହୁତ ଖୁସି ହେଉଛନ୍ତି ।ସାଧାରଣ ପିଲାଙ୍କ ପରି ଜଗା ପୁରା ସୁସ୍ଥ ରହିବା ସହ କଥାବାର୍ତ୍ତା ମଧ୍ୟ କରୁଛି ।
