ଜୟପୁର (ଏଟିଆର ବ୍ୟୁରୋ); କୋରାପୁଟ ଜିଲ୍ଲା ଜୟପୁର ଅଞ୍ଚଳରେ ପୋଲିସ ଏବଂ ଅପରାଧୀ ମଧ୍ୟରେ ହୋଇଛି ଗୁଳିଚାଳନା । ଜଳସେଚନ କଲୋନୀ କେନାଲ ରୋଡ ପଛପଟେ ଘଟିଛି ଏପରି ଅଘଟଣ । ତେବେ ଏହି ଗୁଳିବିନିମୟରେ କାହାର କିଛି କ୍ଷତି ହୋଇନଥିବା ବେଳେ ପୋଲିସ କୁଖ୍ୟାତ ଅପରାଧୀ ଶେକ୍ ଜାବେଦ୍ ଅଖତାରକୁ ଗିରଫ କରିଛି । ଏଥିସହ ଅଭିଯୁକ୍ତ ପାଖରୁ ଗୋଟିଏ ଦେଶୀ ବନ୍ଧୁକ , ୨ଟି ଫୁଟା ଗୁଳି ଏବଂ ଗୋଟିଏ ମୋବାଇଲ ଜବତ କରିଛି । ତେବେ ଅଭିଯୁକ୍ତ ସହ ସମ୍ପୃକ୍ତଥିବା ଆଉ ଦୁଇଜଣ ଫେରାର ହୋଇ ଯାଇଥିବା ପୋଲିସ ସୂଚନା ଦେଇଛି ।
ପୋଲିସ ରିପୋର୍ଟ ଅନୁଯାୟୀ ଶୁକ୍ରବାର ପାହାନ୍ତା ୪;୧୫ ମିନିଟ ସମୟରେ ଅଭିଯୁକ୍ତକୁ ଗିରଫ କରିବା ପାଇଁ ଯାଇଥିବା ବେଳେ ଅଭିଯୁକ୍ତ ପୋଲିସ ଉପରକୁ ପ୍ରଥମେ ଦୁଇ ରାଉଣ୍ଡ ଗୁଳି ଚଳାଇଥିଲା । ଏହା ପରେ ପୋଲିସ ପାଲଟା ତିନି ରାଉଣ୍ଡ ଗୁଳି ଚଳାଇଥିଲା । ଶେଷରେ ପୋଲିସ ଅଭିଯୁକ୍ତକୁ ଧରିବା ପାଇଁ ସକ୍ଷମ ହୋଇଥିଲା । ପୂର୍ବରୁ ଅଖତାର ନାଁରେ ନରହତ୍ୟା,ଡକାୟତିଏବଂ ଦାଦାବଟି ଭଳି ଅଭିଯୋଗ ରହିଛି ।
