ଭୁବନେଶ୍ୱର ( ଏଟିଆର ବ୍ୟୁରୋ): ବରିଷ୍ଠ ସାମ୍ବାଦିକ ଦିଲ୍ଲୀପ ଶତପଥୀଙ୍କ ପରଲୋକ । ମାତ୍ର ୫୬ ବର୍ଷ ବୟସରେ ଏକ ଘରୋଇ ହସପିଟାଲରେ ଚିକିତ୍ସିତ ଅବସ୍ଥାରେ ଏହି ବରିଷ୍ଠ ସାମ୍ବାଦିକଙ୍କ ପରଲୋକ ହୋଇଛି । ଦିଲ୍ଲୀପଙ୍କ ପରଲୋକକୁ ନେଇ ଏବେ ସାମ୍ବାଦିକ ମହଲରେ ଖେଳି ଯାଇଛି ଶୋକର ଛାୟା । ଦୀର୍ଘ ଦିନ ହେଲା କର୍କଟ ରୋଗରେ ପିଡିତ ଥିଲେ ଦିଲ୍ଲୀପ ।
କର୍କଟ ରୋଗ ପାଇଁ ସେ ନିୟମିତ ଚିକିତ୍ସିତ ହେଉଥିଲେ ମାତ୍ର ଗତକାଲି ସନ୍ଧ୍ୟାରେ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସିତ ଅବସ୍ଥାରେ ତାଙ୍କ ପରଲୋକ ହୋଇଛି । ଦିଲ୍ଲୀପ ଦୂରଦର୍ଶନରେ ଉପସ୍ଥାପକ ଭାବେ କାର୍ଯ୍ୟ କରିବା ସହିତ ବିଜନେସ ଷ୍ଟାଣ୍ଡାର୍ଡର ଓଡିଶା ବ୍ୟୁରୋ ଚିଫ ଥିଲେ ।
