ମୁମ୍ବାଇ (ଏଟିଆର୍ ବ୍ୟୁରୋ) : ଗତକାଲି ରାତିରେ ପରଦାରେ ଆସିଥିବା କେଜିଏଫ୍ ଚାପ୍ଟର ୨ ର ଟିଜର ରିଲିଜ୍ ପରେ ୟଶଙ୍କ ଫ୍ୟାନ୍ସମାନେ ଅତ୍ୟଧିକ ଉତ୍ସାହିତ ଅଛନ୍ତି । ୟଶଙ୍କ ଜନ୍ମଦିନ ପୂର୍ବରୁ ଟିଜର ଭିଡିଓ ଭାଇରାଲ ହୋଇଥିଲା। କନ୍ନଡ ସୁପରଷ୍ଟାର ୟଶ ବର୍ତ୍ତମାନ ଦେଶର ଅନ୍ୟତମ ପ୍ରିୟ ଅଭିନେତା ଭାବରେ ପରିଚିତ । ତାଙ୍କର ଏହି ଟିଜରଟି ୟୁଟ୍ୟୁବ୍ ରେ ୨ ମିଲିୟନ ଲାଇକ ଅତିକ୍ରମ କରିସାରିଛି । ଏହି କନ୍ନଡ ଚଳଚ୍ଚିତ୍ରର ଟିଜର ରିଲିଜ ହେବାର ଏକ ଘଣ୍ଟା ମଧ୍ୟରେ ୟୁଟ୍ୟୁବରେ ୧ ମିଲିୟନ୍ ଲାଇକ୍ ଅତିକ୍ରମ କରିଥିଲା ।
ୟଶ୍ ରକିଂ ଷ୍ଟାର୍ ଭାବରେ ଅଧିକ ଜଣାଶୁଣା ।ଅକ୍ଟୋବର ୨୦୨୦ ରେ ଏହି ଚଳଚ୍ଚିତ୍ର ପରଦାରେ ଆସିବ ବୋଲି ଆଶା କରାଯାଉଥିଲା କିନ୍ତୁ ମହାମାରୀ କରୋନା ଲାଗି ସୁଟିଂ ବିଳମ୍ବ ହୋଇଥିଲା । ତଥାପି, ବର୍ତ୍ତମାନ କେଜିଏଫ୍ ଚାପ୍ଟର ୨ ଟିଜରକୁ ଥରେ ଦେଖିବା ପରେ ଦର୍ଶକଙ୍କୁ ଖୁବ୍ ଆକର୍ଷିତ କରିଛି।
