ଖୋର୍ଦ୍ଧା (ଏଟିଆର ବ୍ୟୁରୋ); ହାତୀ ଆକ୍ରମଣରେ ମହିଳା ଗୁରୁତର । ମହିଳାଙ୍କୁ ଗୁରୂତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ତେବେ ଏଭଳି ଏକ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ନିରାକାରପୁର ଅନ୍ତର୍ଗତ ମହରମପୁର ଗାଁରେ । ହାତୀ ଆକ୍ରମଣରେ ଗାଁର ବାସନ୍ତୀ ବଳବନ୍ତ ରାୟ ଗୁରୁତର ଆହତ ହୋଇଛନ୍ତି । ତାଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଗାଁ ଭିତରକୁ ହାତୀ ପଶି ଆସି ଘର ଦ୍ୱାର ଭାଙ୍ଗିବା ସହ ଧାନ ଚାଉଳ ଖାଇ ଦେଇଥିବା ଗାଁ ଲୋକ ଅଭିଯୋଗ କରିଛନ୍ତି । ସେପଟେ ଗାଁରେ ହାତୀପଲ ପଶିବା ଦେଖିବା ପରେ ଗାଁଲୋକ ଭୟଭିତ ଅଛନ୍ତି । ବନ ବିଭାଗରେ ଅଭିଯୋଗ କରିବା ପରେ ବନ ବିଭାଗ କର୍ମଚାରୀ ଆସି ହାତୀ ଘଉଡାଇବା ପାଇଁ ଉଦ୍ୟମ ଜାରି କରିଛନ୍ତି । ତେବେ ଏହି ଏଭଳି ହାତୀପଲ ବହୁବାର ଗାଁକୁ ପଶି ଆସିବା ସହ ବହୁ ଫସଲ କ୍ଷତି କରିଥିବା ଗାଁଲୋକ ଅଭିଯୋଗ କରିଛନ୍ତି ।
