କଳାହାଣ୍ଡି (ଏଟିଆର ବ୍ୟୁରୋ): କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ମଶାଣୀବନ୍ଧ ଗାଁରେ ଏକ ଅଘଟଣ ଘଟିଛି । ୬୦ ଫୁଟ୍ ଉଚ୍ଚର ନିର୍ମାଣଧୀନ ପାଣି ଟାଙ୍କି ଉପରୁ ଖସି ପଡିଲେ ଶ୍ରମିକ । ଏହି ଦୁର୍ଘଟଣାରେ ଶ୍ରମିକ ଜଣଙ୍କର ମୃତ୍ୟୁ ଘଟିଛି । ତାଙ୍କ ନାଁ ଭଜନ ଦଳପତି । ଘର କୋକସରା ବ୍ଲକ ବଙ୍ଗୋମୁଣ୍ଡା ଗାଁରେ ।
ସ୍ଥାନୀୟ ଲୋକଙ୍କ କହିବାନୁଯାୟୀ ଶ୍ରମିକ ଜଣଙ୍କ କୁଶଳ ନଥିଲେ, କିନ୍ତୁ ସେ କାମ କରିବା ପାଇଁ ପାଣି ଟାଙ୍କି ଉପରେ ଚଢିଥିଲେ । ମାତ୍ର ଏତେ ଉଚ୍ଚରେ କାମ କରିବାକୁ ସକ୍ଷମ ନ ହେବାରୁ ସେ ତଳକୁ ଖସିପଡିଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ପୋଲିସ୍ ଘଟଣାସ୍ଥଳରେ ପହଁଚି ମୃତଦେବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି ।
