ଅନୁଗୋଳ( ଏଟିଆର ବ୍ୟୁରୋ): ଇଲେକ୍ଟ୍ରି ଖୁଣ୍ଟ ଦେଇ ଚଢିଲେ । ଛାତ ଉପର ଦେଇ ଭିତରକୁ ଗଲେ । ଖଣ୍ଡା ଭୁଜାଲି ଦେଖାଇ ଲୁଟି ନେଲେ ୬ ଲକ୍ଷ । ଏମିତି ଏକ ସିନେମା ଷ୍ଟାଇଲରେ ଲୁଟ ହୋଇ ଅନୁଗୁଳ ଜିଲ୍ଲାରେ । ସୂଚନା ଅନୁସାରେ ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ପୁରୁଣା ଗଡ ଗ୍ରାମରେ ଏହି ଡାକୟତୀ ହୋଇଛି । ଗତକାଲି ରାତି ପାଖାପାଖି ୨ ଟା ସମୟରେ ପ୍ରମୋଦ ମହାପାତ୍ର ଏବଂ ତାଙ୍କ ପରିବାର ଲୋକ ଘରେ ଶୋଇଥିବା ବେଳେ ୬ ଜଣ ଡକାୟତ ତାଙ୍କ ଘରକୁ ଲାଗି ରହିଥିବା ଇଲେକ୍ଟ୍ରି ଖୁଣ୍ଟ ଦେଇ ଛାତ ଉପରକୁ ଚଢିଥିଲେ । ପରେ ଛାତରୁ ସିଡି ବାଟ ଦେଇ ଘର ଭିତରକୁ ପ୍ରବେଶ କରିଥିଲେ ।
ପ୍ରମୋଦଙ୍କ ସମେତ ପରିବାର ଲୋକଙ୍କୁ ଖଣ୍ଡା ଓ ଭୁଜାଲି ଦେଖାଇ ଭୟବୀତ କରିଥିଲେ । ପରେ ତାଙ୍କ ପୁଅକୁ ମଧ୍ୟ ଖଣ୍ଡାରେ ଆକ୍ରମଣ କରିଥିଲେ । ବନ୍ଧୁକ ଦେଖାଇ ତାଙ୍କୁ ଗୋଟାଏ ଘରେ ବନ୍ଦୀ କରି ରଖି ନଗଦ ୬ ଲକ୍ଷ ଟଙ୍କା ସମେତ ସୁନା ଅଳଙ୍କାର ଲୁଟ କରିଥିଲେ । ଏଡ଼େି ଥାନାକୁ ଖବର ଦିଆଯିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ପୋଲିସ ଏଯାବତ ଏହି ଚୋରି ଘଟଣାରେ କାହାକୁ ଆରେଷ୍ଟ କରି ନାହିଁ ।
