ଗୁଣୁପୁର (ଏଟିଆର ବ୍ୟୁରୋ): ହୁତୁହୂତୁ ହୋଇ ଜଳୁଛି ଘର । ଗୋଟିଏ କି ଦୁଇଟି ନୁହେଁ ବରଂ ନିଆଁ ଆଁରେ ପୂରା ୨୧ ବଖରା ଘର । ଏଭଳି ଏକ ଅଭାବନୀୟ ଦୃଶ୍ୟ ନଜରକୁ ଆସିଛି ରାୟଗଡା ଜିଲ୍ଲା ଗୁଣୁପୁର ବ୍ଲକ ଚିନ୍ତାଲଗୁଡା ଗାଁରେ ।
ଗତକାଲି ବିଳମ୍ବିତ ରାତିରେ ଚିନ୍ତାଲଗୁଡା ଗାଁର ଜଣଙ୍କ ଘରେ ଅଚାନକ୍ ନିଆଁ ଲାଗିଯାଇଥିଲା । ନିଆଁ ଲାଗି ଯାଇଥିବାର ଦେଖି ଗାଁ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣାରେ ଦମକଳବାହିନୀ ପହଁଚିବା ବେଳକୁ ନିଆଁ ଚାରିଆଡେ ବ୍ୟାପି ଯାଇଥିଲା । ସେମାନେ ନିଆଁକୁ ଆୟତ୍ତ କରିଥିଲେ, କିନ୍ତୁ ୭ଟି ପରିବାରର ୨୧ ବଖରା ଘର ଜଳି ପୋଡି ପୂରା ପାଉଁଶ । ମାତ୍ର ନିଆଁ କିଭଳି ଏବଂ କେଉଁ କାରଣରୁ ଲାଗିଲା ତାହା ସ୍ପଷ୍ଟ ହୋଇନାହିଁ ।
