ଚିଲିକା ( ଏଟିଆର ବୁରୋ); ପାଖାପାଖି ମାସେରୁ ଅଧିକ ଦିନ ହେଲା ଚିଲିକା ରାଜହଂସ ଦୀପରେ ପଡି ରହିଥିବା ମାଲେସିଆ ଜାହାଜ ଉଦ୍ଧାର ହୋଇଛି । ଗତକାଲି ରାତିରେ ଏହି ଜାହାଜକୁ ଉଦ୍ଧାର କରାଯାଇଛି । ଜିନ ହ୍ୱିଲ ନାମକ ଏହି ମାଲେସିଆ ଜାହାଜକୁ ବାଙ୍ଗାଲୋରର ଏମ ଭି ଚିତା ଜାହାଜ ଉଦ୍ଧାର କରିଛି । ଗତକାଲି ଦୀର୍ଘ ଘଣ୍ଟାର ପରିଶ୍ରମ ପରେ ଜାହାଜ ଟିକୂୁ ଉଦ୍ଧାର କରିବାରେ ସଫଳ ହୋଇଥିଲା ଏମଭି ଚିତା । ଗତକାଲି ସକାଳ ୭ ଟାରୁ ଏହି ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ ରାତି ୮ ଟା ବେଳେ ଜାହଜଟି ଉଦ୍ଧାର ହୋଇଥିଲା ।
ତେବେ ଜାହଜ ଟି ଉଦ୍ଧାର ହୋଇ ସମୁଦ୍ର ଭିତରକୁ ଯାଇଥିବା ବେଳେ କଣ୍ଟେନର କିନ୍ତୁ ସେଠାରେ ପଡି ରହିଛି । ସୂଚନାଯୋଗ୍ୟ ଗତ ଅଗଷ୍ଟ ୨ ତାରିଖରେ ଏହି ଜାହାଜ ଟି ବିଶାଖା ପାଟଣାରୁ ମାଙ୍ଗୋଲରକୁ ଯାଉଥିବା ବେଳେ ଯାନ୍ତ୍ରୀକ ତୃଟି ଯୋଗୁ ଏହା ରାଜହଂସ ଦୀପରେ ଲାଗିଥିଲା । ତେବେ ଜାହାଜରେ ଥିବା ତେଲକୁ ପୂର୍ବରୁ କାଢି ଦିଆ ଯାଇଥିଲା । ଏବେ ଉଦ୍ଧାର ହୋଇଥିବା ଏହି ଜାହାଜ ଟି କୋଲକାତା ଅଭିମୁଖେ ଯାଇଥିବା ଜଣା ପଡିଛି ।
