କେନ୍ଦ୍ରାପଡା ( ଏଟିଆର ବ୍ୟୁରୋ): ଅଖା ଭିତରୁ ମିଳିଲା ଖଣ୍ଡ ବିଖଣ୍ଡିତ ମୃତ ଦେହ । ହତ୍ୟା ସନ୍ଦେହ । କିଏ ଆଣି ସେଠାରେ ଫୋପାଡିଲା ତାହା ଅନ୍ଧାରରେ । କେନ୍ଦ୍ରାପଡା କାଠୁଆ ପଡା ଲୁଣା ଘେରି ନିକଟରୁ ଜଣେ ଲୋକର ଖଣ୍ଡ ବିଖଣ୍ଡିତ ମୃତ ଦେହ ଉଦ୍ଧାର କରାଯାଇଛି । ସୂଚନା ଅନୁସାରେ ଆଜି ସକାଳୁ କାଠୁଆ ପଡା ଲୁଣା ଘେରି ପାଖରେ ଏକ ଜରି ଅଖା ବନ୍ଦ ହୋଇ ପଡିଥିବା ଲୋକମାନେ ଦେଖିଥିଲେ ।
ଏନେଇ ଗ୍ରାମ ବାସୀ ମାନେ କିଛି ସନ୍ଦେହ କର ଜିନିଷ ରହିଥିବା ଅନୁମାନ କରି ସେମାନେ ପୋଲିସକୁ ଖବର ଦେଇଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ଅଖାକୁ ଖୋଲିଥିଲା । ସେଥିରେ ଖଣ୍ଡ ବିଖଣ୍ଡିତ ମୃତ ଦେହ ଥିବା ପୋଲିସ ଦେଖିଥିଲା । ପୋଲିସ ଶବ ଜବତ କରି ବ୍ୟବଛେଦ ପାଇଁ ପଠାଇଛି । ପାରିପାରଶ୍ୱିିକ ଅବସ୍ଥାରୁ ଯାହା ଅନୁମାନ କରାଯାଉଛି କେହି ଦୁର୍ବୁତ ହତ୍ୟା କରି ହତ୍ୟା କାଣ୍ଡକୁ ଲୁଚାଇବା ପାଇଁ ଏମିତି କରାଯାଇଛି ବୋଲି ଆଲୋଚନା ହେଉଛି ।
ତେବେ ଏପର୍ଯ୍ୟନ୍ତ ଅଖାରେ ଥିବା ଯୁବକର ମୃତ ଦେହ କାହାର ତାହା ସ୍ପଷ୍ଟ ହୋଇ ନାହିଁ । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଛି । ପୋଲିସ ହତ୍ୟା କାରୀକୁ ଖୋଜିବା ପାଇଁ ତଦନ୍ତ ଆରମ୍ଭ କରିଛି ।
