ପୁରୀ (ଏଟିଆର ବ୍ୟୁରୋ): ସେନାରେ ଯୋଗ ଦେବା ପାଇଁ ୨୩୦ କିଲୋମିଟର ଦୌଡି ପୁରୀରେ ପହଞ୍ଚିଲେ ଜଣେ ଯୁବକ । ଗୁରୁବାର ସେ ୨୩୦କିଲୋମିଟର ଦୌଡି ପୁରୀରେ ଆସି ପହଞ୍ଚିଥିଲେ । ପୁରୀରେ ପହଞ୍ଚି ସେଠାରେ ମହାପ୍ରଭୁଙ୍କର ଦର୍ଶନ କରି ଆର୍ଶବାଦ ଭିକ୍ଷା କରିଥିଲେ । ସୂଚନାନୁଯାୟୀ, ଭଦ୍ରକ ଜିଲ୍ଲା ବନ୍ତ ଅଞ୍ଚଳର ସୌରଭ ସେଠୀ ନାମକ ଯୁକ୍ତ ଦୁଇ ପାସ ପରେ ସେନାରେ ଯୋଗ ଦେବା ପାଇଁ ଯାଇଥିଲେ । ହେଲେ ସେଠାରେ ସେ ବାରମ୍ବାର ବିଫଳତାର ସମ୍ମୁଖୀନ ହୋଇଥିଲେ । ଏହାପରେ ସେ ଭଗବାନଙ୍କର ଶରଣାପନ୍ନ ହେବାପାଇଁ ଦୌଡା ଆରମ୍ଭ କରିଥିଲେ ।
ପ୍ରଥମେ ସେ ୭୦କିଲୋମିଟର ଦୌଡି ଘଟଗାଁ ସ୍ଥିତ ମା ତାରିଣୀଙ୍କର ଦର୍ଶନ କରିଥିଲେ । ଏହାପରେ ସେ ୨୩୦କିଲୋମିଟର ଅତିକ୍ରମ କରି ଶ୍ରୀକ୍ଷେତ୍ରରେ ପହଞ୍ଚିବା ସହ ସେଠାରେ ମହାପ୍ରଭୁଙ୍କର ଦର୍ଶନ କରିଥିଲେ । ତେବେ ସୌଭର ପୁରୀରେ ପହଞ୍ଚିବା ପରେ ତାଙ୍କୁ ଜିଲ୍ଲା କ୍ରୀଡା ଅଧିକାରୀ, ବରିଷ୍ଠ ସେବାୟତ ଓ କ୍ରୀଡା ପ୍ରେମୀମାନେ ପୁଷ୍ପଗୁଚ୍ଚ ଦେଇ ସ୍ୱାଗତ କରିଥିଲେ । ସୌରଭଙ୍କୁ ସମସ୍ତ ବିଷୟରେ ପଚାରିବାରୁ ସେ ନିଜ ପ୍ରତିକ୍ରିୟାରେ କହିଥିଲେ ମହାପ୍ରଭୁ ତାଙ୍କ ଦୁଃଖ ବୁଝିବେ ଓ ସେ ନିଶ୍ଚିତ ଭାବେ ସେନାରେ ସାମିଲ ହେବେ । ସେ ଆହୁରୀ ମଧ୍ୟ କରିଛନ୍ତି, ଚାକିରି ପାଇବା ଉଦ୍ଦେଶ୍ୟରେ ସେ ମହାପ୍ରଭୁଙ୍କର ଦର୍ଶନ କରିବାକୁ ଆସିଥିଲେ ।
