ଭୁବନେଶ୍ୱର (ଏଟିଆର ବ୍ୟୁରୋ): ବ୍ୟସ୍ତ ବହୁଳ ରାଜଧାନୀ ଭୁବନେଶ୍ୱରରୁ ମିଳିଛି ଏକ ନର କଙ୍କାଳ । କଙ୍କାଳଟି ମିଳିବା ପରେ ଚାରିଆଡେ ଭୟର ବାତା ବରଣ ସୃଷ୍ଟି ହୋଇଛି । ମିଳିଥିବା ସୁଚନା ମୁତାବକ, ରାଜଧାନୀ ଭୁବନେଶ୍ୱରର ଜନ ଗହଳିପୂର୍ଣ୍ଣ ଅଞ୍ଚଳ ଭାବେ ପରିଚିତ ଆଇଆରସି ଭିଲେଜ ଅଞ୍ଚଳ ନିକଟରୁ ଏକ ମଣିଷ କଙ୍କାଳ ଦେଖିବାକୁ ମିଳିଛି । କଙ୍କାଳଟି ଆଇଆରସି ଭିଲେଜ ହାଇସ୍କୁଲ ପଛପଟେ ପଡିଥିବା ଦେଖିବାକୁ ମିଳିଛି । କଙ୍କାଳଟି ଏକ ପଲଥିନ ଭିତରେ ବନ୍ଧା ହୋଇ ପଡିଥିବାର ଦେଖିବାକୁ ମିଳିଛି ।
ତେବେ କଙ୍କାଳଟି କାହାର ଓ କିଏ ଏହାକୁ ଏଠାରେ ପକାଇଛି ତାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଖବର ପାଇଁ ଘଟଣା ସ୍ଥଳରେ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚିବା ସହ ତଦନ୍ତ ଆରମ୍ଭ କରିଛି । ରାଜଧାନୀର ରାଜ ରାସ୍ତାରୁ ଏପରି ଏକ କଙ୍କାଳ ମିଳିବା ଫଳରେ ସାଧାରଣରେ ଭୟର ବାତାବରଣ ଖେଳି ଯାଇଛି । ଏହା ପୂର୍ବରୁ ବରମୁଣ୍ଡା ବରବାରି ଅଞ୍ଚଳରୁ ମଧ୍ୟ ଏକ କଟା ହାତ ଉଦ୍ଧାର କରାଯାଇଥିଲା । ତେବେ ମିଳିଥିବା ନର କଙ୍କାଳର ପରିଚୟ ପାଇବା ସହ କିଏ ଓ କାହିକିଁ ଏହାକୁ ରାସ୍ତାରେ ପକାଇଲା ତାକୁ ନେଇ ପୋଲିସ ଅନୁସନ୍ଧାନ ଆରମ୍ଭ କରିଛି ।
