ନୀଳଗିରି(ଏଟିଆର ବ୍ୟୁରେ): କଲେଜରେ ମାଓ ପୋଷ୍ଟର । ସ୍ପଷ୍ଟ ଭାବେ ଲେଖା ରହିଛି ଧମକ । ଅବିଶ୍ୱାସ ଲାଗୁଥିଲେ ବି କଥାଟି ସତ । ଏଭଳି ଏକ ଘଟଣା ସାମ୍ନାକୁ ଆସିଛି ବାଲେଶ୍ୱରର ନିଳଗିରୀ କଲେଜରେ । ତେବେ କେତେବେଳେ ଏହି ପୋଷ୍ଟର ଲାଗିଲା ତାହା କାହାକୁ ଜଣାନାହିଁ । ଅଚାନକ କଲେଜରେ ଏହି ପୋଷ୍ଟରକୁ ଦେଖି ଏବେ ଆତଙ୍କ ଖେଳି ଯାଇଛି । ଛାତ୍ରଛାତ୍ରୀଙ୍କଠୁ ନେଇ କଲେଜ୍ ଅଧ୍ୟାପକଙ୍କ ପର୍ଯ୍ୟନ୍ତ, ସମସ୍ତଙ୍କ ଅବସ୍ଥା ପୂରା ଢ଼ିଲା । ତେବେ ପୂର୍ବରୁ ମାଓବାଦୀ ମାନଙ୍କ ପୋଷ୍ଟର ବହୁ ମାଓ ପ୍ରବଣ ଜାଗାରେ ଦେଖିବାକୁ ମିଳିଥିଲା । ତେବେ କଲେଜରେ ଲାଗିଥିବା ପୋଷ୍ଟରରେ ଛାତ୍ର ଛାତ୍ରୀମାନେ ନିର୍ବାଚନ ବନ୍ଦ କରିବା ଓ ଅଧ୍ୟାପକ ରାଜନୀତିରୁ ଦୂରେଇ ରହି ଶିକ୍ଷାଦାନ କରିବାକୁ ରୋକଠୋକ କୁହାଯାଇଛି ।
କିଛିଦିନ ପୂର୍ବରୁ ଏକ ଘରୋଇ ଟିୟୁସନରେ ଛାତ୍ରୀଙ୍କୁ ର୍ଦୁବ୍ୟବହା ପାଇଁ କଲେଜ ପରିସରରେ ଏକ ଅପ୍ରିତିକର ପରିସ୍ଥିତି ସୃଷ୍ଟି ହେବାପରେ ଘଟଣଟିକୁ ପୋଲିସ ସମାଧାନ କରିିଥିଲା ଓ ଚର୍ଚ୍ଚାକୁ ଆସିଥିଲା । ପୁଣିଏବେ ମାଓପୋଷ୍ଟର କୁ ନେଇ ବେଶ ଚର୍ଚ୍ଚାରେ ରହିଛି ନୀଳଗିରି କଲେଜ । ପୋଲିସ ପୋଷ୍ଟର ଗୁଡିକୁ ଜବତ କରି ତଦନ୍ତ ଅରମ୍ଭ କରିଛି ।
