ଭୁବନେଶ୍ୱର(ଏଟିଆର ବ୍ୟୁରୋ): ଆଜି ପବିତ୍ର ବଡଦିନ । ଏନେଇ ସାରା ଦେଶ ଉତ୍ସବ ମୁଖର । ଖ୍ରୀଷ୍ଟଧର୍ମ ଅବଲମୀ ମାନଙ୍କ ବିଶ୍ୱାସ ଓ ପରମ୍ପରା ଅନୁଯାୟୀ ଧରାଅବତରଣ କରିଛନ୍ତି ପ୍ରଭୁ ଯୀଶୁ । ଏହି ଅବସରରେ ସମସ୍ତ ଖ୍ରୀଷ୍ଟଶ୍ରଦ୍ଧାଳୁଙ୍କ ମଧ୍ୟରେ ଉତ୍ସାହ ହେଖିବାକୁ ମିଳିଛି । ଗତକାଲି ମଧ୍ୟରାତ୍ରରେ ବିଭିନ୍ନ ଚର୍ଚ୍ଚ ମାନଙ୍କରେ ଯିଶୁଖ୍ରୀଷ୍ଟଙ୍କ ଜନ୍ମ ଦିବସ ପାଳନ କରାଯାଇଛି । ନବଯାତ ଶିଶୁ ଯିଶୁଖ୍ରୀଷ୍ଟଙ୍କୁ ସ୍ୱାଗତ କରାଯାଇ କେକ୍ କାଟି ଜନ୍ମଦିନ ପାଳନ କରିଛନ୍ତି ବହୁ ଶ୍ରଦ୍ଧାଳୁ ମାନେ ।
ଏହି ଅବସରରେ ମେରି ଖ୍ରୀଷ୍ଟମାସ୍ କହି ସମସ୍ତଙ୍କୁ ଶୁଭେଚ୍ଛା ଜଣାଉଛନ୍ତି ଲୋକ ମାନେ । ରାଜଧାନୀ ଭୁବନେଶ୍ୱରର ବହୁ ଚର୍ଚ୍ଚକୁ ସଜା ଯାଇଛି । ବିଭିନ୍ନ ଉପହାର ଖଞ୍ଜା ଯାଇଥିବା ଖ୍ରୀଷ୍ଟମାସ୍ ଟ୍ରି କୁ ଲାଇଟ ମାଧ୍ୟମରେ ସଜା ଯାଇଛି । ଯାହାକୁ ଦେଖିବା ପାଇଁ ଲୋକ ମାନଙ୍କ ଭିଡ ଜମୁଛି । ଲୋକ ମାନେ କ୍ୟାଣ୍ଡଲ ଓ ଫୁଲ ଦେଇ ଚର୍ଚ୍ଚରେ ପ୍ରଭୁ ଯୀଶୁଙ୍କ ନିକଟରେ ପ୍ରାର୍ଥନା କରୁଛନ୍ତି । ଓଡିଶା ସମେତ ସାରା ଦେଶରେ ବହୁ ଧୁମ ଧାମ ରେ ବଡଦିନ ପାଳନ କରାଯାଉଛି ।
