ପୁରୀ (ଏଟିଆର ବ୍ୟୁରୋ): ସକାଳୁ ସକାଳୁ ଏକୁଟିଆ ଦେଖି ଫାଇଦା ଉଠାଇଲେ ଦୃର୍ବୁତ୍ତ । ହୋମଗାର୍ଡଙ୍କୁ କଲେ ଆକ୍ରମଣ । ଏଭଳି ଏକ ଘଟଣା ଘଟିଛି ପୁରୀ ଜିଲ୍ଲା ମଶାଣି ଚଣ୍ଡି ଛକ ନିକଟରେ । କାର୍ଯ୍ୟରତ ହୋମଗାର୍ଡଙ୍କ ନାମ ଗୁଣମଣି ରାଉତ ବୋଲି ଜଣା ପଡିଛି । ଦୃର୍ବୁତ୍ତଙ୍କ ଆକ୍ରମଣରେ ଗୁଣମଣିଙ୍କ ଶରୀରରେ ଶକ୍ତ ଆଘାତ ଲାଗିଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଖବରମୁତାବକ, ଗତ ଦୁଇଦିନ ତଳେ ଜମିଜମା ବିବାଦକୁ ନେଇ ଗୋଖା ସାହିରେ ବୋମାମାଡ ହୋଇଥିଲା । ଏଥିରେ ସଂପୃକ୍ତ ଥିବା ବ୍ୟକ୍ତି ଧରା ପଡିନଥିବାରୁ ପୋଲିସ କଡା କଡି ଭାବେ ତଦନ୍ତ ଚଳାଇଥିଲା । ଏହାସହିତ ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥା ବଢାଇ ଦିଆଯିବା ସହ ପାଟ୍ରୋଲିଂ ମଧ୍ୟ କରୁଥିଲା । କିନ୍ତୁ ଆଜି ପୁଣି ଏକ ଅଘଟଣ ଘଟିଛି । କାର୍ଯ୍ୟରତ ଥିବା ହୋମଗାର୍ଡଙ୍କୁ କିଛି ଦୃର୍ବୁତ୍ତ ଆକ୍ରମଣ କରି ଫେରାର ହୋଇ ଯାଇଛନ୍ତି ।
