ଭୁବନେଶ୍ୱର(ଏଟିଆର ବ୍ୟୁରୋ): ବିଜେଡି ବିଧାୟକ ପ୍ରଣବ ପ୍ରକାଶ ଦାସଙ୍କୁ ମିଳିଛି ଗୁରୁ ଦାୟିତ୍ୱ । ବିଜେଡି ସୁପ୍ରିମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଣବକୁ ବିଜେଡିର ସାଂଗଠନିକ ସଂପାଦକ ଦାୟିତ୍ୱ ଦେଇଛନ୍ତି । ଆଜି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୪ ତମ ଜନ୍ମ ଜୟନ୍ତୀ । ଏହି ଅବସରରେ ବିଜେଡି ଦଳୀୟ କାର୍ଯ୍ୟାଳୟରେ ପ୍ରଣବଙ୍କୁ ସାଂଗଠନିକ ସଂପାଦକ ଭାବେ ଦାୟିତ୍ୱ ଦେବା ପାଇଁ ଆନୁଷ୍ଠାନିକ ଭାବେ ଘୋଷଣା କରିଛନ୍ତି ନବୀନ । ଏହି ଘୋଷଣା କରିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ପ୍ରଣବ ୨୦୧୮ ଉପ ନିର୍ବାଚନ, ୨୦୧୯ ଉପନିର୍ବାଚନ ଓ ସାଧରଣ ନିର୍ବାଚନ ବେଳେ କଠିନ ପରିଶ୍ରମ କରିଥିଲେ ।
ଏହା ସହ ବିଜେପୁର ଓ ପାଟକୁରା ଉପନିର୍ବାଚନ ବେଳେ ପ୍ରଣବଙ୍କ ଅବଦାନ ଦଳକୁ ବହୁ ମାତ୍ରାରେ ଫାଇଦା ଦେଇଥିଲା । ତେଣୁ ତାଙ୍କୁ ଏହି ପଦ ପାଇଁ ମନୋନିତ କରାଯାଇଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ । ଏହା ସହ ଆଶା କରାଯାଉଛି ଯେ ଆଗକୁ ପ୍ରଣବ ଦଳ ପାଇଁ ଆହୁରି ଭଲ କାମ କରିବେ ବୋଲି ନବୀନ କହିଥିଲେ ।
