ମୁମ୍ବାଇ(ଏଟିଆର ବ୍ୟୁରୋ): କରୋନା ସଂକ୍ରମଣର ହାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ବିଶେଷକରି ମହାରାଷ୍ଟ୍ରରେ ସର୍ବାଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ବଲିଉଡର ଅନେକ କଳାକାର ମଧ୍ୟ କରୋନା ସଂକ୍ରମଣରେ ସଂକ୍ରମିତ ହେଉଛନ୍ତି । ଏହାରି ଭିତରେ ବତ୍ତର୍ତ୍ତମାନ ବଲିଉଡର ଗାୟକ ବପ୍ପି ଲହରି ମଧ୍ୟ କରୋନାର ଶିକାର ହୋଇଛନ୍ତି ।
ଏନେଇ ବପ୍ପି ଲହରିଙ୍କ ମୁଖପାତ୍ର ସୂଚନା ଦେଇଛନ୍ତି । ଗତ କିଛି ଦିନ ମଧ୍ୟରେ ବପ୍ପିଙ୍କ ସଂସ୍ପର୍ଶରେ ଆସିଥିବା ସମସ୍ତ ଲୋକଙ୍କୁ କରୋନା ଟେଷ୍ଟ କରିବା ପାଇଁ ପରାମର୍ଶ ଦେଇଛନ୍ତି । ବପ୍ପିଙ୍କ ପୁଅ ରେମା କହିଛନ୍ତି ତାଙ୍କ ବାପା କରୋନ।। ମହାମାରୀର ସମସ୍ତ ଗାଇଡଲାଇନ ପାଳନ କରି ମଧ୍ୟ ସେ କରୋନାର ଶିକାର ହୋଇଛନ୍ତି ।ତେବେ ବପ୍ପିଙ୍କର ଏହି କରୋନା ସଂକ୍ରମଣ ଖବର ପାଇବା ପରେ ତାଙ୍କୁ ବଲିଉଡର ସମସ୍ତ ସେଲିବ୍ରିଟି ଓ ତାଙ୍କ ପ୍ରଶଂସକମାନେ ତାଙ୍କର ଆଶୁଆରୋଗ୍ୟ ପାଇଁ କାମନା କରିଛନ୍ତି ।
