ଭୁବନେଶ୍ୱର(ଏଟିଆର ବ୍ୟୁରୋ): ଆଜି ବଜେଡି ବର୍ତ୍ତମାନ ସଭାପତି ନବୀନ ପଟ୍ଟନାୟକ ନୂଆ ସଭାପତି ପଇଁ ନାମାଙ୍କନ ପତ୍ର ଦାଖଲ କରିବେ । ସକାଳ ୯. ୩୦ ମିନିଟ ସମୟରେ ବିଜେଡି କାର୍ଯ୍ୟାଳୟରେ ଏହି ନାମାଙ୍କନ ପତ୍ର ଦାଖଲ କରିବେ ନବୀବ । ଗତଶୁକ୍ରବାର ଦିନ ବିଭିନ୍ନ ଜିଲ୍ଲାର ସଭାପତି ମାନଙ୍କର ନାମ ତାଲିକା ପ୍ରକାଶ ପାଇଛି । ସେହିଭଲି ପୂର୍ବରୁ ଜିଲ୍ଲାର ବିଭିନ୍ନ କର୍ମକର୍ତ୍ତା ମଧ୍ୟ ନିର୍ବାଚିତ ହୋଇଛନ୍ତି । ଆଜି ନବୀନଙ୍କ ସହ ଦଳର ୮୦ ଜଣ ରାଜ୍ୟ କାର୍ଯ୍ୟକାରୀ ସଦସ୍ୟମାନେ ମଧ୍ୟ ନାମାଙ୍କନ ପତ୍ର ଦାଖଲ କରିବେ ।
ତେବେ ଆସନ୍ତା ୨୬ ତାରିଖ ଦିନ ଦଳର ରାଜ୍ୟ କାର୍ଯ୍ୟ ପରିଷଦ ଓ କାର୍ଯ୍ୟକାରିଣୀ ବୈଠକ ବସି ସଭାପତି ଚୟନ ପ୍ରକ୍ରିୟାକୁ ଚୂଡାନ୍ତ ରୂପ ଦେବେ । ସୂଚନା ଯୋଗ୍ୟ ୧୯୯୭ ମସିହାରେ ଦଳ ଗଠନ ପରଠୁ ନବୀନ କ୍ରମାଗତ ଭାବେ ବିଜେଡି ସଭାପତି ଭାବେ କାର୍ଯ୍ୟ କରି ଆସୁଛନ୍ତି । ତେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ରମାଗତ ଅଷ୍ଟମ ଥର ପାଇଁ ନିଦ୍ୱନ୍ଦ୍ୱରେ ନିର୍ବାଚିତ ହେବେ ।
