ଭଦ୍ରକ (ଏଟିଆର ବ୍ୟୁରୋ); ଭୟାବହ ଅଗ୍ନିକାଣ୍ଡରେ ଜିଅନ୍ତାଜଳିଗଲେ ୪ ଗୋରୁ ଏବଂ ୨୫ରୁ ଅଧିକ ଛେଳି । ତେବେ ଏଭଳି ଏକ ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଜୁଆରିଗାଁରେ । ଗାଁର ଅମରେନ୍ଦ୍ର ପାଲଙ୍କ ଘରେ ନିଆଁ ଲାଗିଥିବା ଦେଖିବାକୁ ମିଳିଛି । ଗାଁ ଲୋକ ଖବର ଦେବା ପରେ ଦମକଳ ବାହିନୀ ଆସି ନିଆଁକୁ ନିୟନ୍ତ୍ରଣ କରିଥିଲା । ତେବେ ନିଆଁ କିପରି ଲାଗିଲା ତାହା ସ୍ପଷ୍ଠ ହୋଇନାହିଁ ।
ମିଳିଥିବା ସୂଚନା ମୁତାବକ ଶନିବାର ବିଳମ୍ବିତ ରାତିରେ ଅମରେନ୍ଦ୍ରଙ୍କ ଘରେ ନିଆଁ ଲାଗି ଯାଇଥିଲା । ନିଆଁକୁ ଦେଖି ଘରୁ ବାହାରି ଆସି ପାଟିକରି ସାଇ ପଡିଶାଙ୍କୁ ଡାକିଥିଲେ । ପ୍ରଥମେ ଗାଁ ଲୋକ ନିଆଁକୁ ଆୟତ କରିବା ପାଇଁ ଚେଷ୍ଠା କରିଥିଲେ ଏବଂ ପରେ ଅଗ୍ନିତମ ବିଭାଗକୁ ଫୋନ କରିବା ପରେ ଦମକଳ ବାହିନୀ ଆସି ନିଆଁକୁ ଆୟତ କରିଥିଲା । ମାତ୍ର ସେତିକି ବେଳକୁ ସବୁକିଛି ସରିଯାଇଥିଲା । ନିଆଁରେ ଜିଅନ୍ତା ପୋଡି ପାଉଁଶ ହୋଇ ଯାଇଥିଲେ ୪ ଗୋରୁ ଏବଂ ୨୫ରୁ ଅଧିକ ଛେଳି ।
