ଭୁବନେଶ୍ୱର (ଏଟିଆର ବ୍ୟୁରୋ): ଆସିଛି ପାର୍ବଣ ଋତୁ । ଚାଲିଛି ନବରାତ୍ରୀ । ଆଉ ମାତ୍ର ଗୋଟେ ଦିନ ପରେ ପୂଜା ମଣ୍ଡପ ମାନଙ୍କରେ ଆରମ୍ଭ ହେବ ମା ଦୁର୍ଗାଙ୍କ ଷଷ୍ଠୀ ପୂଜା । ଏହି ଅବସରରେ ଭିଡକୁ ଏଡାଇବା ପାଇଁ ଆସନ୍ତାକାଲି ଅର୍ଥାତ ୧୧ ତାରିଖରୁ ଟ୍ୱିନ ସିଟିରେ ଲାଗୁ ହେବାକୁ ଯାଉଛି ନାଇଟ କର୍ଫ୍ୟୁ । ରାତି ୮ ଟାରୁ ସକାଳ ୫ ଟା ପର୍ଯ୍ୟନ୍ତ ନାଇଟ କର୍ଫ୍ୟୁ କଡାକଡି ଭାବେ ପାଳନ କରାଯିବ । ଏନେଇ ପୋଲିସ କମିସନରଙ୍କ ପକ୍ଷରୁ ଚେତାବନା ଦିଆଯାଇଛି ।
ନାଇଟ କର୍ଫ୍ୟୁ ସମୟରେ ଯଦି କେହି ଅମାନିଆ ହୋଇ ବାହାରେ ବୁଲନ୍ତି ତେବେ ତାଙ୍କଠାରୁ ଜରିମାନା ଆଦାୟ କରାଯିବ । ଏହାସହିତ ଯଦି କେହି ନିୟମକୁ ନମାନି ଉଲ୍ଲଂଘନ କରନ୍ତି ତେବେ ତାଙ୍କୁ ଗିରଫ ମଧ୍ୟ କରାଯିବ ବୋଲି ପୋଲିସ କମିସନର ସୂଚନା ଦେଇଛନ୍ତି ।
