ଭୁବନେଶ୍ୱର (ଏଟିଆର ବ୍ୟୁରୋ): ଅସନ୍ତାକାଲି ଅର୍ଥାତ ଶୁକ୍ରବାର ସକାଳେ ରାଜ୍ୟରେ ଶେଷ ହେଉଛି ଆଂଶିକ ଲକଡାଉନ୍ । ଆଗକୁ ଏହି ଆଂଶିକ ଲକଡାଉନ ଜାରି ରହିବ କି ଅନଲକ ହେବ ସେନେଇ ସମସ୍ତ ଅପେକ୍ଷା କରି ରହିଛନ୍ତି । ସେଥିପାଇଁ ଆଜି ଅପରାହ୍ନ ସାଢେ ୨ଟାରେ ପ୍ରେସ ବିବୃତ୍ତି ଜାରି କରିବେ ମୁଖ୍ୟ ସଚିବ ସୁରେଶ ମହାପାତ୍ର । ଏହି ଅବସରରେ ଗୁରୁତ୍ୱପୂର୍ଣ୍ଣ ଘୋଷଣା କରିପାରନ୍ତି ମୁଖ୍ୟ ସଚିବ ।
ପ୍ରେସ ବିବୃତି କଣ ଘୋଷଣା ହେବ ତାହା ଉପାୀ ସମସ୍ତଙ୍କ ନଜର ରହିଛି । ବର୍ତ୍ତମାନ ରାଜ୍ୟରେ କରୋନା ସଂକ୍ରମଣ ହ୍ରାସ ପାଉଛି । କେବଳ କିଛି ଜିଲ୍ଲାକୁ ଛାଡି ଦେଲେ ଅନ୍ୟ ଜିଲ୍ଲାଗୁଡିକରେ ସଂକ୍ରମଣ ବହୁତ କମ ମାତ୍ରାରେ ଚିହ୍ନଟ ହେଉଛି । ଏସବୁକୁ ଦୃଷ୍ଟିରେ ରଖି କେଉଁ ଜିଲ୍ଲାରେ କଟକଣା ରହିବ ଏବଂ କେଉଁ ଜିଲ୍ଲାରେ ଅଧିକ କୋହଳ ହେବ ଏବେ ତାହା ଉପରେ ନଜର ରହିଛି ।
