ଭୁବନେଶ୍ୱର (ଏଟିଆର ବ୍ୟୁରୋ): ରାଜଧାନୀ ଏବେ ବ୍ରାଉନ ସୁଗାର କବଳିତ । ଆଉ ଏଇ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଯୋଗାଇ ଭଲ ମୁନାଫା କମାଉଛନ୍ତି ବ୍ୟବସାୟୀ । ଭୁବନେଶ୍ୱରରୁ ଜବତ ହୋଇଛି ୫୦ ଲକ୍ଷ ଟଙ୍କାର ବ୍ରାଉନ ସୁଗାର । ଏଥି ସମେତ ୫ ଜଣଙ୍କୁ ଗିରଫ କରିଛି ପୋଲିସ । ସୂଚନା ଅନୁସାରେ ଏହି ବ୍ରାଉନ ସୁଗାର ଜବତ କରିଛି ଏସଟିଏଫ । ଏନେଇ ସୂଚନା ଦେଇଛନ୍ତି ଏସଟିଏଫ ଡିଆଇଜି ଜୟ ନାରାୟଣ ପଙ୍କଜ । ଏହି ବ୍ରାଉନ ସୁଗାର ଗୁଡିକଚ ବାଲାଂଦେଶରୁ ଆସିଥିବା ଜଣାପଡିଛି ।
ଆଉ ଏଗୁଡିକ ବାଲେଶ୍ୱର ଦେଇ ଓଡିଶାରେ ପ୍ରବେଶ କରୁଥିବା ସୂଚନା ମିଳିଛି । ଏହି ବ୍ୟବସାୟର ମାଷ୍ଟର ମାଇଣ୍ଡ ସେକ ଫକୀର ସହିତ ୫ ଜଣଙ୍କୁ କ୍ରାଇମ ବ୍ରାଞ୍ଚ ଜବତ କରିଛି । ଏମାନଙ୍କୁ ରିମାଣ୍ଡରେ ଆଣି ଅଧିକ ଖୋଳତାଡ କରାଯିବ ବୋଲି ଜୟ ନାରାୟଣ ପଙ୍କଜ ସୂଚନା ଦେଇଛନ୍ତି । ସୂଚନାଯୋଗ୍ୟ ଏହି ନିକଟରେ ଭୁବନେଶ୍ୱରରୁ ୬୭ ଲକ୍ଷ ଟଙ୍କାର ବ୍ରାଉନ ସୁଗାର ଜବତ ହୋଇଥିଲା । ପୋଲିସ ଚଢାଉ କରି ୬୬୭ଗ୍ରାମର ଧଳା ଜହର ଜବତ କରିଥିଲା ।
