ଭୁବନେଶ୍ୱର (ଏଟିଆର ବ୍ୟୁରୋ ) ; ଗିରଫ ହେବେ ଅଭିଜିତ ଆୟର । ଓଡିଶା ପୋଲିସ ଚଳାଇଛି ଜୋରଦାର ଉଦ୍ୟମ । ଅଭିଜିତଙ୍କୁ ଗିରଫ କରିବା ଲାଗି ଦିଲ୍ଲୀ ଯାଇଛନ୍ତି ଓଡିଶା ପୋଲିସର ୪ ଜଣିଆ ଟିମ । ଦିଲ୍ଲୀ ପୋଲିସର ସହାୟତାରେ ଅଭିଜିତଙ୍କ ପାଖରେ ପହଞ୍ଚିବାକୁ ଜୋରଦାର ଚେଷ୍ଟା ଜାରି ରଖିଛି ଓଡିଶା ପୋଲିସ । ଓଡିଶା ଓ ଓଡିଆଙ୍କ ଭାବବେଗ ସହ ଖେଳିଥିବା ଅଭିଜିତଙ୍କୁ ଗିରଫ ଓ ଦଣ୍ଡ ଦେବା ଲାଗି ଚାରିଆଡେ ସ୍ୱର ଉଠିଥିବା ବେଳେ ତାଙ୍କୁ ଆଇନର କାଠଗଡାକୁ ଆଣିବା ଲାଗି ଗତକାଲି ଦିଲ୍ଲୀରେ ପହଞ୍ଚିଥିବା ଓଡିଶା ପୋଲିସ ବିଭିନ୍ନ ଜାଗାରେ ଚଢାଉ ଜାରି ରହିଛି ।
ଅଭିଜିତଙ୍କ ଦିଲ୍ଲୀ ସ୍ଥିତ ବାସଭବନ ସମେତ ତାଙ୍କ କାର୍ଯ୍ୟଳୟରେ ମଧ୍ୟ ପୋଲିସ ତନାଘନା କରିଛି । ଅଭିଜିତଙ୍କ ସଫଦରଜଙ୍ଗ ଏନକ୍ଲେଭ ରେ ଥିବା ବାସଭବନ ସମେତ ନେହେରୁ ପ୍ୟାଲେସ ଓ ତାଙ୍କ କାର୍ଯ୍ୟାଳୟକୁ ଯାଇ ୪ ଜଣିଆ ଟିମ ପଚରାଉଚରା ଚଳାଇଛନ୍ତି । ସେପଟେ ଓଡିଶା ପୋଲିସର ହାତରେ ଅଭିଜିତ ଏଯାଏଁ ଆସିନଥିବା ବେଳେ ତୋଙ୍କୁ ଗିରଫ କରିବା ଲାଗି ପୋଲିସ ହରଦମ ପ୍ରଚେଷ୍ଠା ଜାରି ରଖିଛି । ଏମିତିକି ଆୟରଙ୍କର ମୋବାଇଲ ଫୋନକୁ ମଧ୍ୟ ପୋଲିସ ଟ୍ରାକ କରାଯାଉଛି । ଅତିଶିଘ୍ର ଓଡିଶା ପୋଲିସ ହାତରେ ଅଭିଜିତ ଆସିବ ବୋଲି ଆଶା ରହିଛି ।
ସୁଚନା ଯେଗ୍ୟ , ଅଭିଜିତ ଆୟର ମିତ୍ର ଓଡିଶାର ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ ବନ୍ଧୁ । ଅଭିଜିତ ଓଡିଶା ସମେତ ଓଡିଆ , ପୁରୀ ଶ୍ରୀମନ୍ଦିର , କୋଣାର୍କ ମନ୍ଦିର ବିଷୟରେ ବିବାଦୀୟ ବୟାନ ଦେଇଥିଲେ । ଯାହାକୁ ଘୋର ବିରୋଧ କରି ତାଙ୍କୁ ଗିରଫ ପାଇଁ ଦାବି କରିଥିଲେ ଲୋକେ । ତେବେ ପୂର୍ବରୁ ଅଭିଜିତଙ୍କୁ ପୋଲିସ ଗିରଫ କରିଥିଲେ ହେଁ ସେ ଜାମିନରେ ବାହାରକୁ ଅସିଥିଲେ ।
