ଭୁବନେଶ୍ୱର (ଏଟିଆର ବ୍ୟୁରୋ); ରେକର୍ଡ ଭାଙ୍ଗିଲା ଶୀତ । ହାଡ ଭଙ୍ଗା ଶୀତରେ ଥରୁଛି ସାରା ଓଡିଶା । କିଏ ନିଆଁ ପାଖରୁ ଉଠୁନି ତ ଆଉ କିଏ ଶୀତ ବସ୍ତ୍ର ଛାଡୁନି । ହାଡ ଭଙ୍ଗା ଶୀତରେ ଅସ୍ତବ୍ୟସ୍ତ ହୋଇ ପଡିଛି ଜନଜୀବନ । ୨୬ ବର୍ଷର ରେକର୍ଡ ଭାଙ୍ଗିଛି ଜାଡ । ତେବେ ଓଡିଶାର କାଶ୍ମୀର କୁହାଯାଉଥିବା ଦାରଙ୍ଗବାଡି,ଫୁଲବାଣୀ ଏବଂ କେନ୍ଦୁଝରରେ ତୁଷାରପାତ ହୋଇଥିବା ମଧ୍ୟ ଦେଖିବାକୁ ମିଳିଛି । ପାରଦ ଧିରେ ଧିରେ ଖସିବାରୁ ଶୀତ ପ୍ରଭାବ ବଢ଼ିବାରେ ଲାଗିଛି । ରାଜ୍ୟର ୧୦ ସହରରେ ତାପମାତ୍ରା ୧୦ ଡିଗ୍ରୀ ତଳକୁ ଖସି ଯାଇଥିବା ପାଣିପାଗ ବିଭାଗ ସୂଚନା ଦେଇଛି ।
ସେପଟେ ଦାରିଙ୍ଗବାଡିରେ ସର୍ବନିମ୍ନ ତାପମାତ୍ରା ୨ ଡିଗ୍ରୀ ରେକର୍ଡ କରାଯାଇଛି । ବଲାଙ୍ଗିରରେ ୩ ଡିଗ୍ରୀ ତାପମାତ୍ରା ରହିଥିବା ମଧ୍ୟ ଦେଖିବାକୁ ମିଳିଛି । ତେବେ ଭୁବନେଶ୍ୱର ଏବଂ କଟକରେ ୮ ଡିଗ୍ରୀ ରହିଥିବା ବେଳେ ଜନଜୀବନ ଅସ୍ତବ୍ୟସ୍ତ ହୋଇ ପହିଛି । ରାତି ୯ଟା ବାଜି ଗଲେ ରାସ୍ତାଘାଟ ଶୁନସାନ ହୋଇପଡୁଥିବା ବେଳେ ସକାଳ ୧୦ ବାଜିଗଲେ ମଧ୍ୟ ଲୋକ ଶେଜ ଛାଡୁନଥିବା ଦେଖିବାକୁ ମିଳୁଛି ।
