ଭୁବନେଶ୍ୱର(ଏଟିଆର ବ୍ୟୁରୋ): ଓଲିଉଡ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ଫ୍ୟାନମାନଙ୍କ ପାଇଁ ଖୁସି ଖବର। ବିଗତ କିଛି ଦିନ ହେବ ଫିଲ୍ମ ଇଣ୍ଡଷ୍ଟ୍ରିରୁ ଦୂରେଇ ରହିଲା ପରେ ପୁଣି ଥରେ ପରଦାକୁ ଫେରୁଛନ୍ତି ବର୍ଷା ।
ଆଜ୍ଞା ହଁ, ଚମତ୍କାରିତା ଅଭିନୟ ସାଙ୍ଗକୁ ଜଣେ ସମାଜସେବୀ ଭାବରେ ବେଶ୍ ଜଣା ଶୁଣା ଅଭିନେତ୍ରୀ ହେଉଛନ୍ତି ବର୍ଷା ପ୍ରିୟଦର୍ଶିନୀ । ସେ ତାଙ୍କର ଆଗାମୀ ଫିଲ୍ମ ପାଇଁ ଖୁବ୍ ବ୍ୟସ୍ତ ଅଛନ୍ତି । ସୁଶାନ୍ତ ମଣିଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ନିମକି -ନିମପୁର ରୁ ନବୀନ ନିବାସ’ରେ ବର୍ଷାଙ୍କୁ ମୁଖ୍ୟ ଭୁମିକାରେ ଅଭିନୟ କରୁଥିବାର ଦର୍ଶକମାନେ ଦେଖିବାକୁ ପାଇବେ । ଏହି ଫିଲ୍ମରେ ବର୍ଷା ଏକ ଭିନ୍ନ ଚରିତ୍ରରେ ନଜର ଆସିବେ । ଏହାର ସଂଗୀତ ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ପ୍ରେମାନନ୍ଦ ।
ଗତବର୍ଷ ବର୍ଷା ଫିଲ୍ମ ‘ରୋମିଓ ଜୁଲିଏଟ’ରେ ଅଭିନେତା ଅରିନ୍ଦମଙ୍କ ସହ ନଜର ଆସିଥିଲେ । ଏହା ବ୍ୟତୀତ ସେ ଅନେକ ଓଡିଆ ଫିଲ୍ମରେ ଅଭିନୟ କରି ଦର୍ଶକ ମାନଙ୍କୁ ଭେଟି ଦେଇ ସାରିଛନ୍ତି ।
