ଭୁବନେଶ୍ୱର (ଏଟିଆର ବ୍ୟୁରୋ): ଚଳିତ ବର୍ଷ ଦୀପାବଳୀରେ ପରଦାରେ ମୁକ୍ତିଲାଭ କରିବାକୁ ଥିବା ଓଡିଆ ଫିଲ୍ମ ‘ପଗଲୁ’ର ଅଡିଓ ରିଲିଜ୍ ହୋଇ ଯାଇଛି । ଗତ ଗୁରୁବାର ଦିନ ଓଡିଏମ ସ୍କୁଲ ଅଡିଟୋରିୟମରେ ଏହି ଅଡିଓ ରିଲିଜ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଫିଲ୍ମର ସମସ୍ତ କଳାକାରମାନେ ସାମିଲ ଥିଲେ ।
ଏହି ‘ପଗଲୁ’ ଫିଲ୍ମର ମ୍ୟୁଜିକ ଭାର ତୁଲାଇଛନ୍ତି ଅଭିଜିତ୍ ମଜୁମଦାର । ଏହାସହିତ ସମସ୍ତଙ୍କ ପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗର ଏବଂ ଅନ୍ୟ କଣ୍ଠଶିଳ୍ପୀମାନେ ମଧ୍ୟ ଏଥିରେ କଣ୍ଠଦାନ କରିଛନ୍ତି ।
ରାମ ପ୍ରସାଦ ସାମଲଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ମିହିରି ଦାସ,ଅପରାଜିତା ମହାନ୍ତି, ପପୁ ପମ୍ ପମ୍, ପ୍ରକୃତି ମିଶ୍ର, ଯାତ୍ରା ଜଗତର ଟାଇଗର ଦଇତାରୀ ପଣ୍ଡା ଏବଂ ଅନ୍ୟ କଳାକାରମାନେ ଆଦି ପ୍ରମୁଖ ଭୂମିକାରେ ନଜର ଆସିବେ । ସବୁଠୁ ମଜାଦାର କଥା ହେଲା ଭିନ୍ନ ସ୍ୱାଦର ଏହି ଫିଲ୍ମରେ ମିହିର୍ ଦାସଙ୍କ ପାଗଳାମି ଦେଖିବାକୁ ପାଇବେ ଦର୍ଶକ ।
