କଟକ (ଏଟିଆର ବ୍ୟୁରୋ) ; ଗତ କାଲି ବିଳମ୍ବିତ ରାତିରେ କଟକ ଜିଲ୍ଲା କଇଥପଲ୍ଲୀ ଛକ ନିକଟରେ ଏକ ଅଜଣା ଗାଡି ଆସି ଧକ୍କାଦେଇଥିଲା ଏକ ମାରୁତି ଭ୍ୟାନକୁ । ଚୁରମାର ହୋଇଯାଇଥିଲା ମାରୁତି । ଏଥିରେ ବସିଥିବା ୬ ଜଣଙ୍କ ମଧ୍ୟରୁ ଚାଲିଯାଇଥିଲା ୨ ଜଣଙ୍କ ଜୀବନ । ମୃତକମାନେ ହେଲେ ସାନ ନଇରୀ ଗାଁର ଉଷା ବେହେରା ଏବଂ ବାଙ୍କୋଇପଲ୍ଲୀ ଗାଁର ବିନୀତ କୁମାର ବେହେରା । ବାକି ୪ଜଣ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି ।
ମିଳିଥିବା ସୂଚନା ମୁତାବକ ସାନ ନଇରୀ ଗାଁର ଏକ ସମ୍ପର୍କୀୟ ଝିଅକୁ ଛାଡିବା ପାଇଁ ଏକ ଓମିନି ଭ୍ୟାନରେ ଯାଇଥିବେ । କିନ୍ତୁ ଫେରିବା ବାଟରେ ହୋଇଥିଲା ଏହି ମର୍ମନ୍ତଦ ଦୁର୍ଘଟଣା । ତେବେ ଦୁର୍ଘଟଣା ଘଟାଇଥିବା ଗାଡିର ସନ୍ଧାନ ମିଳିପାରିନାହିଁ ।
