ଭୁବନେଶ୍ୱର (ଏଟିଆର ବ୍ୟୁରୋ): ପୁଣି ଆଉ ଜଣେ କରୋନା ଆକ୍ରାନ୍ତ ଯାଜପୁରରୁ ଚିହ୍ନଟ ହୋଇଛନ୍ତି । ସେ ଜଣେ ୩୪ ବର୍ଷିୟ ଯୁବକ । କୋଲକାତା ଫେରନ୍ତା ବୋଲି ଜାଣିବାକୁ ମିଳିଛି । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି ।
ଏବେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧୧କୁ ଛୁଁଇଛି । ଏହାପୂର୍ବରୁ ଆଜି ଅପରାହ୍ନରେ ୨ଟି କରୋନା ପଜିଟିଭ୍ ବାହାରିଥିଲା । ସେମାନଙ୍କ ମଧ୍ୟରୁ ଜଣେ କୋରାପୁଟର ଏବଂ ଆଉ ଜଣେ ବାଲେଶ୍ୱରର ।
ରାଜ୍ୟରେ ହୁ ହୁ ହୋଇ ବଢି ଚାଲିଛି ମହାମାରୀ କରୋନା । ଖାସ୍ କରି ଯାଜପୁର, ବାଲେଶ୍ୱର ଏବଂ ଭଦ୍ରକରେ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି ।
