ପୁରୀ ( ଏଟିଆର ବ୍ୟୁରୋ): ଶ୍ରୀଗୁଣ୍ଡିଚା ମନ୍ଦିରରୁ ପହଣ୍ଡିରେ ଆସି ପ୍ରଭୁ ଜଗନ୍ନାଥ ନନ୍ଦିଘୋଷ ରଥରେ ପହଞ୍ଚିଛନ୍ତି । କୋଟିକୋଟି ଭକ୍ତଙ୍କ ଗହଣରେ ସେବାୟତ ମାନେ ମହାବାହୁଙ୍କୁ ପହଣ୍ଡିରେ ଆଣି ନନ୍ଦିଘୋଷ ରଥରେ ବିଜେ କରାଇଛନ୍ତି ।
ରଥରେ ପହଞ୍ଚିବା ପରେ ପ୍ରଭୁଙ୍କ ଟାହିଆ ଖୋଲା ହୋଇଛି । ଧାଡି ପହଣ୍ଡିରେ ଆସି ମହାପ୍ରଭୁ ରଥରେ ବିଜେ ହୋଇଛନ୍ତି । ଏଥର ନିର୍ଦ୍ଧାରିତ ସମୟ ପୂର୍ବରୁ ଶ୍ରୀଜୀଉ ରଥା ରୁଢ ହୋଇଛନ୍ତି । ସେହିଭଳି ପୂର୍ବରୁ ଦେବୀ ସୁଭଦ୍ରା ଦର୍ପଦଳନ ରଥରେ ବିଜେ କରିଛନ୍ତି । ତାଳଧ୍ୱଜ ରଥରେ ବିଜେ ହୋଇଛନ୍ତି ବଡଭାଇ ବଳଭଦ୍ର । ସୂଚନାଯୋଗ୍ୟ ନିର୍ଦ୍ଧାରିତ ସମୟ ପୂର୍ବରୁ ଚାଲିଛି ନୀତିକ୍ରାନ୍ତି ।
