ଭୁବନେଶ୍ୱର (ଏଟିଆର ବ୍ୟୁରୋ); ଗୋଟିଏ ପରେ ଗୋଟିଏ ଆସନରେ ବିଜୟ ହେବାରେ ଲାଗିଛି ବିଜୁ ଜନନା ଦଳ । ବିଜେଡି ପକ୍ଷରୁ ୫ଜଣ ବିଜୟ ହୋଇଥିବା ବେଳେ ଏବେ ଆଉ ୪ଜଣ ବିଜୟ ହୋଇଥିବା ସୂଚନା ମିଳିଛି । ଯାହାଦ୍ୱାରା ବିଜେଡିର ବିଜୟ ସଂଖ୍ୟା ୯କୁ ବୃଦ୍ଧି ହୋଇଛି । ଏହା ବ୍ୟତିତ ଅଧିକାଂଶ ଆସନରେ ଦଳ ମଧ୍ୟ ଆଗରେ ରହିଛି । ଦଳ ୧୦୦ରୁ ଅଧିକ ଆସନରେ ବିଜୟ ହେବାର ଆଶା ମଧ୍ୟ ରହିଛି ।
ତେବେ ଆସନ୍ତୁ ଜାଣିବା ସଦ୍ୟ ପ୍ରକାଶ ପାଇଥିବା କେଉଁ ଚାରୋଟି ଆସନରେ ବିଜୟ ହୋଇଛି ବିଜେଡି । ଗଞ୍ଜାମ ଜିଲ୍ଲାର ଆସିକା ନିର୍ବାଚନ ମଣ୍ଡଳୀରୁ ବିଜେଡି ପ୍ରାର୍ଥୀ ମଞ୍ଜୁଳା ସ୍ୱାଇଁ ବିଜେପି ପ୍ରାର୍ଥୀ ଦେବରାଜ ମହାନ୍ତିଙ୍କୁ ପରାସ୍ତ କରିଛନ୍ତି । ଗଞ୍ଜାମ ଜିଲ୍ଲାର ଆଉ ଏକ ନିର୍ବାଚନ ମଣ୍ଡଳୀ ଭଞ୍ଜନଗର ଆସନରେ ମଧ୍ୟ ବିଜେଡି ବିଜୟ ହୋଇଛି । ଏଠାରେ ବିକ୍ରମ କେଶରୀ ଆରୁଖ ନିକଟତମ ପ୍ରତିଦ୍ୱନ୍ଦି ପ୍ରଦ୍ମୁମ୍ନ ନାୟକଙ୍କୁ ପରାସ୍ତ କରିଛନ୍ତି ।
କାମାକ୍ଷାନଗର- ଢ଼େଙ୍କାନାଳ ଜିଲ୍ଲାର ଏହି ନିର୍ବାଚନ ମଣ୍ଡଳୀରେ ବିଜେଡି ପ୍ରାର୍ଥୀ ପ୍ରଫୁଲ୍ଲ ମଲ୍ଲ୍ିକ ବିଜୟ ହୋଇଛନ୍ତି । ଏଠାରେ ତାଙ୍କ ସହ ଶତୃଘ୍ନ ଜେନା ପ୍ରତିଦ୍ୱନ୍ଦିତା କରିଥିଲେ ।
ଧର୍ମଶାଳା- ଏଠାରେ ବିଜେଡି ପ୍ରାର୍ଥୀ ପ୍ରଣବ ବଳବନ୍ତ ରାୟ ବିଜେୟ ହୋଇଛନ୍ତି । ତାଙ୍କ ସହ କଡା ଟକ୍କର ଦେଇଥିଲେ ବିଜେପି ପ୍ରାର୍ଥୀ ରମେଶ ଚନ୍ଦ୍ର ପରିଡା ।
