ଭୁବନେଶ୍ୱର (ଏଟିଆର ବ୍ୟୁରୋ); ବିଜେଡିରେ ଯୋଗ ଦେଲେ ରାଜ୍ୟ ବିଜେପି ରାଜ୍ୟ ସଭାପତି ବସନ୍ତ ପଣ୍ଡାଙ୍କ ପୁତୁରା ହରିଶ୍ଚର୍ଯ୍ୟ ପଣ୍ଡା । ନବୀନ ପଟ୍ଟନାୟକଙ୍କ ସୁଶାସନ ଏବଂ ଆଦର୍ଶରେ ଅନୁପ୍ରାଣିତ ହୋଇ ବିଜେଡି ଯୋଗ ଦେଇଥିବା କହିଛନ୍ତି ଏହି ଯୁବ ନେତା । ହରିଶ୍ଚନ୍ଦ୍ରଙ୍କ ସହିତ ନୂଆପଡାର ବହୁ ଯୁବକ ଏବଂ ଛାତ୍ର ବିଜେଡିରେ ଯୋଗ ଦେଇଛନ୍ତି । ନୂଆପଡା ଜିଲ୍ଲାରେ ବିକାଶ କରିବା ମୋର ମୁଖ୍ୟ ଲକ୍ଷ୍ୟ ଏଣୁ ମୁଁ ବିଜେଡିରେ ଯୋଗ ଦେଇଛି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ଆଜି ବିଧିବଦ୍ଧ ଭାବରେ ନବୀନ ନିବାସରେ ନିଜର ଯୁବ ସମର୍ଥକଙ୍କ ସହ ବିଜେଡିରେ ଯୋଗ ଦେଇଛନ୍ତି ହରିଶ୍ଚନ୍ଦ୍ର ।
ବିଜେଡିରେ ଯୋଗ ଦେବାପରେ ନିଜ କାକାଙ୍କ ଉପରେ ବର୍ଷିଛନ୍ତି ହରିଶ୍ଚନ୍ଦ୍ର । ସେ କହିଛନ୍ତି ବସନ୍ତ ନିଜଇଛାରେ ଶାସନ ଚଳାଉଛନ୍ତି । ସେ ନିର୍ବାଚନ ମଣ୍ଡଳୀରେ ଏକଛତ୍ରବାଦ ଶାସନ ଚଳାଉଛନ୍ତି । ଏଣୁ ବିଜେଡି ତାର ଉଚିତ ଜବାବ ଦେବ । ଏଣୁ ସେ ବିଜେଡିରେ ଯୋଗ ଦେଇଛନ୍ତି ବୋଲି ସୂଚନା ଦେଇଛନ୍ତି । ସେପଟେ ପୁତୁରାଙ୍କ ବିଜେଡି ଯୋଗଦାନ ପରେ ବସନ୍ତ କହିଛନ୍ତି କି ପୂର୍ବରୁ କେହି ତାକୁ ଚିହ୍ନି ନଥିଲେ । କି ବିଜେପିରେ ସେ ମୋ ପରିଚୟରେ ନଥିଲେ । ପୂର୍ବରୁ ଶିବସେନାରେ ରହିବା ପରେ ବିଜେପିରେ ଯୋଗ ଦେଇଥିଲେ । ତେବେ ସେ ବିଜେଡିକୁ ଟାର୍ଗେଟ କରି କହିଛନ୍ତି ବିଜେଡି ହେଉଛି ଗୁମାସ୍ତାଙ୍କ ଦଳ ।
