ମୟୁରଭଞ୍ଜ ( ଏଟିଆର ବ୍ୟୁରୋ): ତୃତୀୟ ପର୍ଯ୍ୟାୟ ନର୍ବାଚନ ପାଇଁ ଆଜି ବିଜେଡି ସୁପ୍ରିମୋ ନବୀନ ପଟ୍ଟନାୟକ ଆଜି ମୟୁରଭଞ୍ଜ ଗସ୍ତ କରିଛନ୍ତି । ସେଠାରେ ସେ ବିଭିନ୍ନ ନିର୍ବାଚନୀ ପ୍ରଚାରରେ ଯୋଗ ଦେଇ ସେ ଦଳୀୟ ପ୍ରାର୍ଥୀଙ୍କ ପାଇଁ ସେ ପ୍ରଚାର କରିଛନ୍ତି । ଏହି ଅବସରରେ ସେ ନବୀନ ମୟୁରଭଞ୍ଜ ଠାକୁରମୁଣ୍ଡାରେ ଏକ ନିର୍ବାଚନୀ ସଭାରେ ଯୋଗଦେଇ ସେ କେନ୍ଦ୍ରକୁ ଟାର୍ଗେଟ କରିଛନ୍ତି । ନବୀନ କହିଛନ୍ତି କେନ୍ଦ୍ର ଓଡିଶା ପ୍ରତି ଅବହେଳା କରିଛି ।
ମା ମାନେ ବିକାଶର ଡବଲ୍ ଇଞ୍ଜିନ । ମୋଦି ସରକାର ଗରୀବ ବିରୋଧୀ ସରକାର କହି ସେ ବିଜେପିକୁ ସମାଲୋଚନା କରିଛନ୍ତି । ମିଶନ ଶକ୍ତି ପାଇଁ ରାଜ୍ୟ ସରକାର କାମ କରୁଛି । କାଳିଆ ଯୋଜନାରେ ୪୦ ଲକ୍ଷ ଚାଷୀ ବର୍ତ୍ତମାନ ପର୍ଯ୍ୟନ୍ତ ଉପକୃତ ହେଲେଣି । ଦଳ ସରକାରକୁ ଆସିବାର ପ୍ରଥମ ଦିନରେ ଲୋକଙ୍କୁ କାଳିଆ ପଇସା ଦିଆଯିବ ବୋଲି ନବୀନ ଘୋଷଣା କରିଛନ୍ତି । ଆହୁରି ମଧ୍ୟ ନବୀନ କହିଛନ୍ତି ମୁଁ ଥିବା ଯାଏଁ କେହି କାଳିଆ ଯୋଜନାକୁ ବନ୍ଦ କରି ପାରିବେ ନାହିଁ । ଏଥର ଦୁଇଟି କିସ୍ତିରେ ୧୦ ହଜାର ଟଙ୍କା ଲେଖାଏଁ ଦିଆଯିବ ବୋଲି ନବୀନ ଘୋଷଣା କରିଛନ୍ତି । ନବୀନ ଏହାପରେ କେନ୍ଦୁଝରରେ ପ୍ରଚାର କରିବେ, ଏବଂ ଅପରାହ୍ନରେ କଟକରେ ରୋଡ ସୋ କରିବାର କାର୍ଯ୍ୟକ୍ରମ ରହିଛି ।
