ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ପୌର ନିର୍ବାଚନ ପାଇଁ ଚାଲିଥିବା ପ୍ରଚାରର ଆଜି ଶେଷ ଦିନ । ସନ୍ଧ୍ୟା ସୁଧା ସରିବ ପ୍ରଚାର । ଆଉ ମାତ୍ର କିଛି ଘଣ୍ଟାର ସମୟ । ସେଥିପାଇଁ ସମସ୍ତ ଦଳର ପ୍ରାର୍ଥୀମାନେ ଜୋରସୋରରେ ପ୍ରଚାର କରୁଛନ୍ତି । ଡୋର ଟୁ ଡୋର ବୁଲି ପ୍ରଚାର କରୁଛନ୍ତି ପ୍ରାର୍ଥୀ । ବିଭିନ୍ନ ପ୍ରସଙ୍ଗ ଉଠାଇ ଜନ ସମର୍ଥନ ସାଉଁଟୁଛନ୍ତି । ପ୍ରଚାରରେ କମ୍ପୁଛି ସହରର ସମସ୍ତ ଗଳି କନ୍ଦି ।
ଏବେ ସହର ରାଜନୀତି ପୁରା ସରଗରମ । ଗଳି, କନ୍ଦି, ହାଟ ବଜାର ଚାରିଆଡେ ଖାଲି ନିର୍ବାଚନୀ ଆଲୋଚନା । କିଏ କେଉଁ ଦଳ ସପକ୍ଷରେ ସେନେଇ ଚର୍ଚ୍ଚା ।
ରାଜ୍ୟରେ ଆସନ୍ତା ମାର୍ଚ୍ଚ ୨୪ ରେ ୧୦୬ଟି ଏନ ଏସି/ ମ୍ୟୁନିସିପାଲଟି ଏବଂ ୩ଟି ମହାନଗରନିଗମରେ ହେବ ନିର୍ବାଚନ । ସେଥିପାଇଁ ଆଜି ସନ୍ଧ୍ୟାରୁ ବନ୍ଦ ରହିବ ପ୍ରଚାର । ଏହାର କୌଣସି ସ୍ଥାନରେ ପ୍ରଚାର କରି ପାରିବେ ନାହିଁ ପ୍ରାର୍ଥୀ ।
