ଭୁବନେଶ୍ୱର (ଏଟିଆର ବ୍ୟୁରୋ): ପୌର ନିର୍ବାଚନ ପାଇଁ ଆଜି ସରିବ ପ୍ରାର୍ଥୀପତ୍ର ଦାଖଲ । କିନ୍ତୁ ଏପର୍ଯ୍ୟନ୍ତ ସବୁ ସ୍ଥାନରେ ତିନି ପ୍ରମୁଖ ଦଳ ସେମାନଙ୍କ ପ୍ରାର୍ଥୀ ଘୋଷଣା କରି ନାହାନ୍ତି । କିନ୍ତୁ ୩ ମହାନର ପାଇଁ ପ୍ରାର୍ଥୀ ଚୁଡାନ୍ତ କରିସାରିଛନ୍ତି ୩ ପ୍ରମୁଖ ଦଳ । ଆଜି ଶେଷ ଦିନରେ ଅଧିକାଂଶ ପ୍ରାର୍ଥୀ ନାମାଙ୍କନ ଦାଖଲ କରିବେ ।
ଅନ୍ୟପଟେ ଭୁବନେଶ୍ୱର ପାଇଁ ଏପର୍ଯ୍ୟନ୍ତ ୧୩୦ ଜଣ ନାମାଙ୍କନ ଦାଖଲ କରିଥିବା ବେଳେ ମେୟର ପାଇଁ ୫ ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ଏହାସହିତ ରବିବାର ଆହୁରି ୭ ଟି ଫର୍ମ ବିକ୍ରି ହୋଇଥିବା ଜଣାପଡିଛି । ଆସନ୍ତା ୯ ତାରିଖ ସୁଦ୍ଧା ଦଳୀୟ ଟିକେଟ ଦାଖଲ କରିବେ ପ୍ରାର୍ଥୀ । ଏହାରି ଭିତରେ ଯଦି ପ୍ରାର୍ଥୀମାନେ ଦଳୀୟ ଟିକେଟ ଦାଖଲ ନକରନ୍ତି ତେବେ ତାଙ୍କୁ ସ୍ୱାଧୀନ ପ୍ରାର୍ଥୀ ଭାବେ ବିବେଚନା କରାଯିବ ।
