ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତାକାଲି ପୌର ନିର୍ବାଚନ । ଏନେଇ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି । ପୋଲିଂ ବୁଥ ମାନଙ୍କରେ ପୋଲିଂ ପାର୍ଟି ମଧ୍ୟ ପହଁଚି ସାରିଲେଣି । ଆଉ ବାକି ପୋଲିଂ ବୁଥରେ ଆଜି ସନ୍ଧ୍ୟା ସୁଧା ପୋଲିଂ ପାର୍ଟି ପହଁଚିବେ । ଏନେଇ ରାଜ୍ୟ ନିର୍ବାଚନ କମିଶନ ସୂଚନା ଦେଇଛନ୍ତି ।
ସକାଳ ୮ ଟାରୁ ୫ ଯାଏଁ ବୁଥ୍ ରେ ପଡିବ ଭୋଟ । ଶୃଙ୍ଖଳିତ ଭୋଟ ଗ୍ରହଣ ଲାଗି ୧୯୫ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଏହାସହିତ ମୋବାଇଲ ପାର୍ଟି ବ୍ୟବସ୍ଥା ମଧ୍ୟ କରାଯାଇଛି ।
ସେପଟେ ନକଲି ଭୋଟର୍ସ ଅର୍ଥାତ ଯଦି କେହି ପଞ୍ଚାୟତରେ ଭୋଟ ଦେଇ ପୌରାଞ୍ଚଳରେ ଭୋଟ ଦେଉଥିବାର ଧରା ପଡନ୍ତି ତେବେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
