ଭୁବନେଶ୍ୱର (ଏଟିଆର ବ୍ୟୁରୋ): ବିଏମସିର ମେୟର ଭାବେ ଶପଥ ଗ୍ରହଣ କଲେ ସୁଲୋଚନା ଦାସ । ବିଏମସିର କନଫରେନ୍ସ ହଲରେ ଆୟୋଜିତ ହୋଇଥିବା ଶପଥ ଗ୍ରହଣ ଉତ୍ସବରେ ଭୁବନେଶ୍ୱର ମହାନଗର ନିଗମର ପ୍ରଥମ ମହିଳା ମେୟର ସୁଲୋଚନା ଦାସ ଶପଥ ନେଇଛନ୍ତି । ତାଙ୍କ ସହ ନବନିର୍ବାଚିତ ୬୭ କର୍ପୋରେଟର ମଧ୍ୟ ଶପଥ ନେଇଛନ୍ତି । ମେୟର ସୁଲୋଚନା ଦାସ ଓ ସମସ୍ତ କର୍ପୋରେଟଙ୍କୁ ସେମାନଙ୍କ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ପୌର ପ୍ରଶାସନର ନିର୍ଦ୍ଦେଶକ ସଂଗ୍ରାମଜିତ୍ ନାୟକ ।
ଏଥର ଭୁବନେଶ୍ୱର ମହାନଗର ନିଗମ ନିର୍ବାଚନରେ ୬୭ଟି ୱାଡରୁ ୪୮ ଟି ୱାର୍ଡରେ ବିଜେଡି ବାଜିମାତ କରିଥିବା ବେଳେ ୧୦ ଟି ୱାଡରେ ବିଜେପି ଏବଂ ୯ଟି ୱାର୍ଡରେ ସ୍ୱାଧୀନ ବାଜିମାତ କରିଥିଲା ।
